ᐅᖓᕙᒥ ᑐᓚᑦᑕᕕᐅᑉ ᐋᓐᓂᐊᕕᖓ ᐱᔪᕆᐅᑎᖃᕐᐳᖅ ᖃᐅᔨᔭᐅᑎᑦᓯᒋᐊᖅ ᐊᒥᓱᒐᓓᑦ ᐃᓄᐃᑦ ᓯᕗᓪᓕᐹᑎᒍᕐᑐᓂ ᐱᓇᓱᑦᑎᒋᔭᐅᔪᑦ ᐋᓐᓂᐊᓂᓕᕆᓂᕐᒥ ᐃᓄᓕᕆᓂᕐᒥᓗ ᓄᐃᑕᓛᕐᒪᑕ ᑕᓚᕖᓴᒃᑰᑐᑦᓴᓕᐊᖑᒪᔪᒥᒃ Sur le terrain (ᓄᓇᒥ), APTN-ᑎᒍᑦ ᔭᓄᐊᕆ 2026-ᒥ.
13-ᑕᑯᓐᓇᕋᑦᓴᓕᐊᖑᒪᔪᑦ, 30 ᒥᓂᑦᓯᑐᕐᓗᑎᒃ ᑕᑯᑦᓴᐅᑎᑦᓯᔪᑦ ᖃᐅᑕᒫᑦ ᐃᓅᓯᖏᓐᓂᒃ ᐊᑦᔨᒌᖕᖏᑐᑦ ᓄᓇᖃᕐᖄᓯᒪᔪᑦ ᐋᓐᓂᐊᓂᓕᕆᓂᕐᒥ ᐃᓄᓕᕆᓂᕐᒥᓗ ᐱᓇᓱᐊᕐᑐᐃᑦ. ᑖᒃᑯᐊ ᑕᑯᑦᓴᐅᔪᐃᑦ ᓄᐃᑕᑎᑦᓯᔪᑦ ᑐᓂᓯᒪᓂᕆᔭᖓᓂᒃ, ᖃᓄᐃᑦᑐᑰᓪᓚᕆᓐᓂᖓᓂᒃ, ᐊᑦᓱᕉᑎᖏᓐᓂᒃ ᑲᑦᓱᙰᑦᑐᒍᑎᖏᓐᓂᓗ, ᓄᐃᑕᑎᑦᓯᓱᑎᓪᓗ ᐱᒻᒪᕆᐅᓂᖓᓂᒃ ᐃᓕᕐᕈᓯᒃᑯᑦ ᐊᑦᑕᓇᖕᖏᑐᑦᓯᐊᓂᒃ ᐱᒍᑦᔨᐅᑎᖃᕆᐊᖃᕐᓂᒥᒃ.
ᑕᒡᒐᓂ ᐱᖓᔪᒋᓕᕐᑕᖓᓂ ᓄᐃᑕᔪᐃᑦ Sur le terrain-ᒥ, ᐊᑦᔨᓕᐅᕆᔩᑦ ᒪᓕᑲᑕᓚᐅᕐᑐᑦ ᓯᕗᓪᓕᐹᑎᒍᑦ ᐱᓇᓱᑦᑎᓂᒃ ᑯᑦᔪᐊᒥ, ᓚᑑᒃᒥ, ᒪᓐᑐᕆᐊᒥ ᓯᐊᑎᓪᒥᓗ. ᐅᑭᐅᕐᑕᑐᒥ ᐊᑦᔨᓕᐊᕕᓃᑦ ᑕᑯᑦᓴᐅᑎᑦᓯᔪᖅ ᐱᒻᒪᕆᓐᓂᒃ ᐱᓇᓱᐊᕐᑎᓗᒋᑦ ᐱᔪᓐᓇᐅᑎᖃᕐᓱᑎᒃ ᐱᓇᓱᑦᑎᖏᑦ ᑐᓚᑦᑕᕕᐅᑉ, ᐃᑲᔪᕐᓯᒪᔪᐃᑦ ᐋᓐᓂᐊᓯᐅᕐᑕᐅᔭᕆᐊᓕᓐᓂᒃ ᐊᑐᕐᑎᓂᓪᓗ ᐱᓇᓱᒍᓯᖃᕐᓱᑎᒃ ᐃᓅᖃᑎᒋᓐᓂᒨᓕᖓᑦᓯᐊᑐᒥᒃ, ᓲᓱᒋᔭᖃᑦᓯᐊᓂᕐᒥ ᑐᖕᖓᕕᖃᓪᓚᕆᑦᓱᑎᒃ ᐃᓄᐃᑦ ᐃᓕᕐᕈᓯᖏᓐᓅᓕᖓᔪᓂᒃ.
ᐃᓕᑕᕐᓯᓂᖅ ᐅᖓᕙᐅᑉ ᓯᕗᓪᓕᐹᑎᒍᑦ ᐱᓇᓱᐊᕐᑎᖏᓐᓂᒃ
ᐃᓚᐅᓂᖓᑦ ᐱᓇᓱᑦᑎᑕ Sur le terrain-ᒥ ᐱᒻᒪᕆᐅᑎᑦᓯᕗᖅ ᐃᓕᑕᕐᓯᓂᕐᒥᒃ ᑐᓂᓯᒪᓂᕆᔭᖓᓂᒃ, ᐱᒍᓐᓇᑑᓂᖓᓂᒃ, ᐊᑑᑎᖃᓪᓚᕆᑦᑑᓂᖏᓐᓂᓗ ᐅᖓᕙᐅᑉ ᓄᓇᓕᖏᓐᓂ. ᑐᓚᑦᑕᕕᒃ ᓇᑯᕐᒦᕈᒪᓪᓚᕆᑦᑐᖅ ᑖᒃᑯᓂᖓ ᐱᓇᓱᑦᑎᓂᒃ ᐊᔪᐃᓐᓇᓂᕆᔭᖓᓄᑦ ᖃᐅᑕᒫᓪᓗ ᐱᓇᓱᐊᕐᓂᕆᕙᑦᑕᖏᓐᓄᑦ ᖃᓄᐃᖕᖏᓯᐊᖁᓪᓗᒋᑦ ᐃᓄᑑᓈᕐᑎᑐᑦ ᐃᓚᒌᓪᓗ.
ᓇᑯᕐᒦᐳᒍᑦ ᐱᓇᓱᑦᑎᓂᒃ, ᑲᒪᒋᕙᑦᑕᑎᓐᓂᒃ ᐊᑐᕐᑎᓂᒃ ᐳᓛᕆᐊᕐᓯᒪᓚᐅᔪᓂᓪᓗ ᐊᖏᕐᓯᒪᓚᐅᔪᒻᒪᑕ ᑐᖕᖓᓱᑦᑎᓯᒋᐊᖅ ᑕᓚᕖᓴᒃᑯᑐᑦᓴᓕᐅᕐᑐᓂᒃ ᓄᐃᑕᑎᑦᓯᖃᑕᐅᓚᕿᑦᓱᑎᒃ ᐋᓐᓂᐊᓂᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᐅᑎᐅᔪᓂ ᐅᖓᕙᒥ.
ᑐᓚᑦᑕᕕᐅᑉ ᐱᓇᓱᑦᑎᖏᑦ ᓄᐃᑕᑎᑕᐅᔪᑦ
APTN-ᑎᒍᑦ, Sur le terrain ᓄᐃᑕᖕᖑᓱᑦᑐᖅ ᐊᑦᔨᒌᖏᑐᓂᒃ ᐅᖃᐅᓯᕐᓂᒃ ᐊᑐᕐᓗᓂ ᐊᒥᓲᓂᕐᓴᓄᑦ ᑕᑯᓐᓇᑕᐅᒐᔭᖁᒧᑦ:
ᑕᑯᑦᓴᐅᑎᑕᐅᓛᕐᑐᑦ APTN+ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖓᒍᑦ:
ᑕᑯᓴᐅᔪᑦᓴᓕᐊᖑᓯᒪᔪᓕᒫᑦ ᐊᑐᐃᓐᓇᐅᖃᑦᑕᓛᕐᑐᑦ ᐅᓐᓄᖓᓂ ᑕᓚᕖᓴᒃᑰᑐᐃᑦ ᐅᕘᓇ https://www.aptnplus.ca/home
ᑐᓚᑦᑕᕕᐅᑉ ᐱᓇᓱᑦᑎᖏᑦ ᓄᐃᑕᑎᑕᐅᓛᕐᑐᑦ ᐅᑯᓇᓂ, ᐱᖓᔪᐊᓐᓂ ᓂᕿᑦᓯᕕᓂ 8-ᖑᒥ ᐅᓐᓄᑯᑦ.
ᐱᖓᔪᐊᓐᓂ (ᐃᓅ ᐅᖃᐅᓯᖓ ᐊᑐᕐᓱᒍ ᓂᐱᓕᐅᕐᑕᐅᓯᒪᔪᖅ)
ᓂᕿᑦᓯᕕᒻᒥ (ᒍᐃᒍᐃᑎᑑᕐᑐᖅ ᓄᓇᖃᕐᖄᓯᒪᔪᑦ ᐅᖃᐅᓯᖏᑦ ᐊᓪᓚᓯᒪᔫᑎᓪᓗᒋᑦ)
ᖃᐅᔨᒋᐊᓪᓚᕈᒪᒍᕕᑦ ᐱᓇᓱᐊᕐᕕᑎᓐᓂᒃ ᑎᓕᔭᐅᒪᒍᑎᑦᑎᓂᓪᓗ: Ungava Tulattavik Health Center
ᐱᓇᓱᒐᕐᓂᒃ ᑕᑯᒋᐊᕐᕕᒃ: Jobs at UTHC
