ᐱᐊᕋᐃᑦ ᐊᖓᔪᖄᖏᑦ ᑲᒪᑦᓯᐊᓗᑎᒃ ᓴᐳᒻᒥᓂᖃᑦᓯᐊᕆᐊᖃᖁᑦ ᐱᐊᕋᕐᒥᓂᒃ ᐊᒻᒪᓗ ᐱᐊᕋᐃᑦ ᓴᐳᒻᒥᔭᐅᑦᓯᐊᕆᐊᖃᕐᓱᑎᒃ ᓄᓇᓕᒻᒥᐅᓕᒫᓄᑦ. ᐱᒍᓐᓇᐅᑎᖃᕈᕕᑦ, ᐳᓖᓯᐅᒍᕕᑦ, ᓯᓚᕐᖃᑎᒋᔭᐅᒍᕕᑦ, ᐱᒻᒪᕆᐊᓗᒻᒥᔪᖅ ᖃᐅᔨᔭᐅᑎᑦᓯᒋᐊᖃᕐᓱᑎᑦ ᐱᐊᕋᖅ ᐊᑦᑕᓇᕐᑐᒦᑦᑎᑕᐅᓕᕐᐸᑦ.
ᐱᐊᕋᐃᑦ ᐃᐱᕋᓐᓇᑕᐅᒪᑉᐸᑕ ᐃᕐᖃᒋᔭᐅᖏᐸᑕᓘᓐᓃᑦ, ᓱᒃᑯᔨᐊᕆᔭᐅᑉᐸᑕ ᐃᓱᒪᒃᑯᑦ, ᑎᒥᒻᒥᒍᑦ ᖁᓄᔪᕐᓂᐊᑕᐅᓂᒃᑯᓘᓐᓃᑦ, ᐱᐊᕋᐃᑦ ᐱᓇᐃᓗᑕᖃᒻᒪᕆᓕᕐᐸᑕ ᐅᖃᕈᑕᐅᓗᑎᒃ ᖃᐅᔨᑎᑦᓯᒍᑕᐅᖃᑦᑕᕆᐊᓖᑦ.
ᖃᐅᔨᔭᐅᑎᑦᓯᖃᑦᑕᕆᐊᖃᕐᓂᖅ ᐃᑲᔪᕐᑕᐅᒋᐊᖃᓕᕐᑐᓂᒃ ᐃᓚᒋᔭᐅᓪᓚᕆᑉᐳᖅ ᐃᓅᓱᑦᑐᐃᑦ ᓴᐳᒻᒥᔭᐅᓂᖏᓐᓄᑦ ᐱᒍᑦᔨᓂᐅᔪᓄᑦ ᓱᕐᖁᐃᓱᓪᓚᕆᔪᖃᖏᑲᓗᐊᕈᓂ ᖃᓄᐃᑦᑐᒦᓐᓂᖓᓂᒃ. ᐊᑦᑕᓇᕐᑐᒦᓪᓂᐊᖒᕐᓯᒍᑦᓯᑐᐃᓐᓇᕋᓗᐊᕈᑦᓯ ᐱᐊᕋᕐᒥᒃ ᐱᕈᕐᐸᓕᐊᓂᕆᒋᐊᓕᖓ ᓱᕐᕋᑕᐅᒪᓯᓐᓇᐅᐸᑦ ᖃᐅᔨᑎᑦᓯᒋᐊᖃᕐᑐᓯ ᐃᓅᓱᑦᑐᐃᑦ ᓴᐳᒻᒥᔭᐅᕕᖓᓂᒃ:
819-964-2902 ᐱᑑᑎᖓ 874 ᐊᑯᓐᓂᖓᓂ9:00 am-ᖑᒥ 5:00 pm-ᖑᒧᑦ
819-272-5597 ᐅᕝᕙᓘᓐᓃᑦ 819-964-0050 ᐱᑑᑎᖓ 59 ᐱᓇᓱᓐᓇᐃᑦ ᑲᖏᕙᓪᓚᒍᓰᑦ ᓯᓚᑖᓂ
ᐅᖃᕈᑎᖃᓚᐅᓐᓇᖅ ᑐᓴᕐᑎᓯᒍᑎᒋᒋᐊᓕᓕᒫᑎᓐᓂ ᑐᓴᕐᑎᓯᒍᑎᖃᕆᐊᖃᕐᑐᑎᑦ : ᑐᑕᕐᑎᓯᒍᑎᑦᓴᓂᒃ ᐊᓪᓚᕕᑦᓴᖅ
ᖃᐅᔨᔭᐅᑎᑦᓯᔫᑉ ᑭᓇᐅᓂᖓ ᖃᐅᔨᔭᐅᒐᔭᖏᑐᖅ.