ᐅᕙᑦᑎᓄᑦ ᐃᓚᐅᓚᐅᕆᑦ
ᐅᕙᑦᑎᓂ ᐱᓇᓱᑦᑎᐅᖃᑕᐅᓚᐅᕆ
ᐱᓪᓗᑯᒋᐊᓕᓕᕆᓂᑎᒍᑦ ᐱᒍᑦᔨᓃᑦ

ᐊᑦᔨᒌᖏᑐᓂᒃ ᐱᒍᓇᐅᑎᓖᑦ ᐱᓇᓱᐊᖃᑎᒌᑦᑐᑦ

ᐱᓪᓗᑯᒋᐊᓕᓕᕆᓂᕐᒥᒃ ᐱᓇᓱᐊᕐᑏᑦ ᑲᒪᔨᐅᓲᑦ ᑐᓚᑦᑕᕕᐅᑉ ᐃᓪᓗᖁᑎᖏᓐᓂᒃ ᐊᒥᓱᓂᒃ ᓄᓇᓕᓕᒫᓂ ᐱᑦᔪᔭᐅᔪᓂᒃ ᐋᓐᓂᐊᕕᒻᒧᑦ. 26 ᐱᓇᓱᐊᕐᕕᐅᔪᑦ ᐃᓪᓗᐃᑦ ᐊᒻᒪᓗ 225-ᐅᖓᑖᓃᑦᑐᑦ ᐊᓂᕐᕋᕆᔭᐅᔪᑦ ᐋᓐᓂᐊᕕᐅᑉ ᐱᓇᓱᑦᑎᖏᓐᓄᑦ. ᐱᒍᑦᔨᓂᖃᓲᑦ 24/7 ᑲᐃᕙᓪᓚᒍᓯᓂᒃ ᐃᓘᓐᓇᖏᓐᓂᒃ ᐱᓇᓱᐊᕐᕕᐅᔪᓂᒃ ᐋᓐᓂᐊᕕᐅᑦᓱᑎᒃ, ᐊᐅᓚᑦᓯᕕᐅᑦᓱᑎᒃ ᐊᒻᒪᓗ ᐱᔭᕆᐊᓕᓐᓂᒃ ᓴᐳᒻᒥᕕᐅᔪᓂᒃ ᐃᓘᓐᓇᖓᓂ ᐱᒍᑦᔭᐅᕕᐅᔪᒥᒃ ᐋᓐᓂᐊᕕᒻᒧᑦ.
CSTU travail d'équipe aux services techniques

ᐱᓪᓗᑯᒋᐊᓕᓕᕆᔨᓄᑦ ᐱᓇᓱᒐᑦᓴᐅᔪᑦ

ᖃᐅᔨᒪᐅᑎᑦᓴᐃᑦ ᖃᕆᑕᐅᔭᓕᕆᓂᑎᒍᑦ

ᐱᓇᓱᐊᕐᕕᒥ ᐱᓇᓱᑦᑏᑦ ᑲᒪᒋᐊᖃᓲᑦ ᐱᓇᓲᑏᑦ ᐊᑐᕈᓐᓇᓯᐊᕋᓗᐊᕐᒪᖔᑕ, ᓈᒻᒪᒐᓗᐊᕐᒪᖔᑕ ᐊᒻᒪᓗ ᐊᑐᐃᓐᓇᐅᖏᓐᓇᓯᐊᕋᓗᐊᕐᒪᖔᑕ. ᑲᒪᒋᐊᖃᓲᖑᒻᒥᔪᑦ ᖃᐅᔨᒪᐅᑎᐅᒋᐊᓕᓐᓂᒃ ᐊᒻᒪᓗ ᖃᕆᑕᐅᔭᐃᑦ ᐱᑐᑦᓯᒪᐅᑎᖏᑦ ᓈᒻᒪᓈᑦᓯᐊᓯᒪᒐᓗᐊᕐᒪᖔᑕ.


ᓯᑕᒪᐅᑦᓱᑎᒃ ᐱᓇᓱᐊᖃᑎᒌᓲᑦ ᐅᑯᐊ ᓇᐅᑦᓯᑐᕐᑎᒃ, ᐱᓪᓗᑯᒋᐊᓕᓕᕇᔩᒃ ᐊᒻᒪᓗ ᖃᕆᑕᐅᔭᓕᕆᔩᑦ.

ᐋᓐᓂᐊᓯᐅᕆᒍᑎᓂᒃ ᐱᓇᓱᐊᕐᓃᑦ

ᐱᓇᓱᐊᖃᑎᖃᕐᓱᑎᒃ ᐋᓐᓂᐊᓯᕆᕕᓐᓂᒃ ᐱᓇᓱᑦᑎᓂᒃ, ᑖᓐᓇ ᐱᓇᓱᐊᕐᕕᒃ ᑲᒪᒋᐊᖃᓲᖅ ᐱᔭᕆᐊᓖᑦ ᐸᕐᓇᐃᑕᐅᓂᖏᓐᓂᒃ, ᑲᒪᑦᓱᑎᒃ ᐊᑐᕈᓐᓇᓯᐊᕐᒪᖔᑕ, ᓈᑦᒪᓯᓕᕐᑎᒋᐊᓕᓐᓂᒃ, ᓱᒃᑯᑕᐃᓕᒪᑎᑦᓯᓂᕐᓂᒃ, ᐋᕿᓱᕆᐊᓕᓐᓂᒃ ᐊᒻᒪᓗ ᐋᓐᓂᐊᕕᒻᒥ ᐱᓇᓲᑏᑦ ᐊᓯᑦᔨᑐᕐᑕᐅᒋᐊᖃᓂᖏᓐᓂᒃ ᐊᓯᑦᔨᑐᐃᑦᓱᑎᒃ (ᐊᐅᖏᕐᓯᕕᒻᒥ, ᑕᕐᕋᑐᐃᕕᒻᒥ, ᑭᒍᑎᓕᕆᕕᒻᒥ, ᖁᐱᕐᕈᑯᓗᐃᔭᐃᕕᒻᒥ ᐊᒻᒪᓗ ᐱᓚᑦᑐᐃᕕᒻᒥ) ᑰᑦᔪᐊᑉ ᐋᓐᓂᐊᕕᖓᓃᑦᑐᓂᒃ ᐊᒻᒪᓗ ᐋᓐᓂᐊᕕᐊᐱᓐᓂ ᐅᖓᕙᒥ.

ᐋᕿᓱᕆᐊᓕᓐᓂᒃ ᐋᕿᓱᐃᓂᖅ

ᑖᑯᐊ 22-ᖑᑦᓱᑎᒃ ᐱᓇᓱᐊᖃᑎᒌᑦᑐᐃᑦ ᐊᑦᔨᒌᖏᑐᓂᒃ ᐱᓇᒐᖃᓲᑦ ᐊᒻᒪᓗ ᐋᕿᓱᐃᔨᐅᑦᓱᑎᒃ ᑐᓚᑦᑕᕕᐅᑉ ᐱᒍᑦᔨᕕᖏᓐᓂ ᐃᓪᓗᖁᑎᖏᓐᓂᓗ.

ᑕᒃᕋᒦᒪᑕ, ᐋᕿᓱᕆᐊᓕᓐᓂᒃ ᐱᓇᓱᐊᕐᑏᑦ ᖃᓄᑐᐃᓐᓇᖅ ᐱᔪᓐᓇᐅᑎᐅᒐᔭᕐᑐᓂᒃ ᕿᓂᖃᑦᑕᕆᐊᖃᓲᑦ ᖃᐅᑕᒫᑦ ᐱᓇᓱᐊᕐᓂᒥᒍᑦ.

ᐱᖁᑎᒻᒪᕇᑦ

ᐱᖁᑎᒻᒪᕆᓕᕆᓂᕐᒥᒃ ᐱᓇᓱᐊᕐᑐᑦ 3 ᐱᓇᓱᑦᑏᑦ, ᐱᓇᓲᑎᓂᒃ ᐱᓪᓗᑯᒋᐊᓕᓕᕆᔨ, ᓴᓇᒪᓂᑦᓴᓂᒃ ᐋᕿᓯᒪᐅᑎᑦᓴᓕᐅᕐᑎ ᐊᒻᒪᓗ ᐃᓪᓗᓕᕆᓂᕐᒧᐊᖓᔪᓂᒃ ᖃᐅᔨᒪᑎᑦᓯᔨ, ᑲᒪᓲᖑᑦᓱᑎᒃ ᐃᓘᓐᓈᒍᑦ ᓄᑕᐅᓯᓕᕐᑎᕆᓂᕐᓂᒃ ᐊᒻᒪᓗ ᐱᖁᑏᑦ ᐋᕿᓯᒪᑎᑕᐅᓂᕆᒋᐊᓕᖏᓐᓂᒃ.

ᐱᓇᓱᐊᖃᑎᒌᑦᑐᑦ ᐸᕐᓇᐃᓲᑦ, ᐃᒫᖓᐃᕐᑎᐅᓱᑎᒃ ᐊᒻᒪᓗ ᐊᑕᐅᑦᓯᑰᕐᑎᓯᕕᐅᑦᓱᑎᒃ ᐃᓘᓐᓈᒍᑦ ᐱᓇᓱᐊᕐᓂᐅᔪᓂᒃ ᐊᑦᔨᒌᖏᑐᓂᒃ ᐊᒻᒪᓗ ᐱᔭᕆᐊᑐᓕᕇᖑᔪᓂᒃ.

CSTU travailleur services techniques

ᓄᓇᓖᑦ ᑕᒪᑐᒥᖓ ᐱᒍᑦᔨᕕᐅᔪᑦ

ᑰᑦᔪᐊᖅ

J0M 1C0

ᐅᓇᒻᒥᓱᒃᑮᑦ?

ᑕᑯᓗᒋᑦ ᐃᓘᓐᓇᖏᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ ᐱᓪᓗᑯᒋᐊᓕᓕᕆᓂᑎᒍᑦ ᐱᒍᑦᔨᕕᒻᒥ
ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᖃᐅᔨᒋᐊᕆᑦ ᐱᓇᓱᒐᑦᓴᖁᑎᕗᓐᓂᒃ