ᐅᕙᑦᑎᓄᑦ ᐃᓚᐅᓚᐅᕆᑦ
ᐅᕙᑦᑎᓂ ᐱᓇᓱᑦᑎᐅᖃᑕᐅᓚᐅᕆ
ᐅᖓᕙᒥ ᑐᓚᑦᑕᕕᒃ ᖃᓄᐃᖏᓯᐊᕐᓂᒧᑦ

ᐊᐱᕆᐅᑎᐅᒍᓪᓖᑦ

ᐃᓪᓗᖃᑦᑎᓯᓲᖑᕚ ᐱᓇᓱᐊᕐᕕᒃ?

ᐋᐋᒡ, 50-ᑭᓛᒥᑕᓂᒃ ᐅᖓᓯᓐᓂᖃᑐᐊᕐᒪᑦ ᐊᓂᕐᕋᖓᓄᑦ ᐱᓇᓱᕝᕕᒃ. ᐃᓪᓗᖃᕐᑎᑕᐅᓲᑦ ᐊᑐᐃᓐᓇᖃᑐᐊᕐᒪᑦ, ᐱᓇᓱᑦᑏᑦ ᖃᓄᑎᒋ ᐊᑯᓂ ᐱᓇᓱᑦᑎᐅᓯᒪᓕᕐᓂᖏᑦ ᑲᒪᒋᑦᓱᒋᑦ ᐊᒻᒪᓗ ᖃᑦᓯᓂᒃ ᐃᓚᖃᕐᒪᖔᑕ ᑲᒪᒋᑦᓱᒋᑦ. ᐃᓚᖓᓂ, ᑐᔪᕐᒥᐅᕕᒻᒦᑲᐃᓐᓇᕆᐊᖃᓲᑦ ᐃᓪᓗᓴᖏᑦ ᐊᑐᐃᓐᓇᕈᖏᓂᖏᓐᓂ.

ᖃᑦᓯᕕᑦᓱᑏᒃ ᐊᕐᕌᒍᑕᒫᑦ ᕿᑲᕆᐊᕐᑐᓕᕋᒥᒃ ᐊᐅᓪᓚᕈᓐᓇᓲᖑᕙᑦ?

ᐱᓇᓱᑦᑏᑦ ᐃᓄᑐᐊᖑᑐᐊᕋᒥᒃ ᐃᓚᖃᖏᓱᑎᒃ 4-ᕕᑦᓱᑎᒃ ᐊᐅᓪᓚᑲᐃᓐᓇᕈᓐᓇᓲᑦ ᕿᑲᕆᐊᕐᑐᓕᕋᒥ ᐊᕐᕌᒍᓕᒫᑉ ᐃᓗᐊᓂ, ᑐᖓᕕᐅᑎᓪᓗᒍ ᐱᓇᓱᐊᕆᐊᖓᕕᕕᖓᑕ ᐅᓪᓗᖓ. ᐱᓇᓱᑦᑏᑦ ᐃᓚᖃᑐᐊᕋᒥᒃ 3-ᕕᑦᓱᑎᒃ ᐊᐅᓪᓚᑲᐃᓐᓇᕈᓐᓇᓲᑦ. ᖃᖓᑦᑕᐅᑎᖏᑦ ᐊᑭᓕᕐᑕᐅᓲᑦ ᐱᓇᓱᕝᕕᒧᑦ.

ᖃᕆᑕᐅᔭᒧᑦ ᐱᑐᑦᓯᒪᒍᑎᖃᖃ ᓄᓇᕕᒻᒥ?

ᖃᕆᑕᐅᔭᒃᑯᑦ ᐱᑐᑦᓯᒪᒍᓐᓇᑐᑦ ᓄᓇᓕᓕᒫᓂ. ᓄᓇᓕᓐᓂ ᖃᕆᑕᐅᔭᒃᑯᑦ ᑕᑯᓐᓇᐅᑎᓗᑎᒃ ᑲᑎᖓᒍᓐᓇᑐᑦ ᐱᓪᓗᒋᑦ ᐱᓇᓱᓐᓂᒨᓕᖓᔪᑦ. ᑕᐃᒪᐃᒐᓗᐊᕐᑎᓗᒍ ᐃᑉᐱᒋᔭᐅᒋᐊᓕᒃ ᖃᕆᑕᐅᔭᐃᑦ ᓱᒃᑲᐃᓂᕐᓴᐅᒪᑕ ᑕᕐᕋᒥᐅᓂ.

ᐱᓇᓱᒐᖅ ᐃᓕᓐᓂᐊᓗᒍᓗ ᐱᓇᓱᐊᕈᓐᓇᖁᖓ ᓄᓇᕕᒻᒥ?

ᑕᕐᕋᒥ ᐱᓇᓱᐊᕐᓗᑎᓪᓗ ᐱᓇᓱᒐᕐᒥᓂᒃ ᐱᒋᐅᕐᓴᕋᔭᕐᑐᓂᒃ ᕿᓂᕐᐳᒍᑦ, ᑭᓯᐊᓂ ᓇᓪᓕᖏᑦ ᐊᑐᐃᓐᓇᐅᒪᖓᑕ ᖃᐅᔨᒍᓐᓇᑐᒍᑦ ᓱᓇᒨᓕᖓᓂᖓ ᐱᓇᓱᒐᐅᑉ ᖃᐅᔨᒋᐊᓚᐅᑲᓪᓗᒍ ᐊᒻᒪᓗ ᐃᓪᓗᓴᖃᕐᒪᖔᑦ ᑲᒪᓚᐅᑲᓪᓗᑕ. ᖃᐅᔨᒋᐊᕐᕕᐅᒍᓐᓇᑐᑦ ᓄᓇᕕᒻᒥ ᖃᓄᐃᖏᓯᐊᕐᓂᓕᕆᓂᕐᒧᒃ ᑲᑎᒪᔩᑦ.

ᓱᓕᕚᑦ ᖃᓪᓗᓈᑦ ᓄᓇᖓᓂ ᐱᓇᓱᐊᕐᓂᓂ ᑮᓇᐅᑦᔭᓵᑦ ᐅᓄᕐᓂᓴᐅᔪᑦ ᑕᕐᕋᒥ ᖃᓄᐃᖏᓯᐊᕐᓂᓕᕆᕕᓐᓂ ᐱᓇᓱᐊᕐᑐᖃᕋᒥ?

ᑮᓇᐅᑦᔭᓵᑐᐃᓐᓇᐃᑦ ᑕᐃᒪᐃᓪᓗᐊᑎᒋᑐᐃᓐᓇᑐᑦ ᑯᐸᐃᒃᓕᒫᒥ ᐱᓇᓱᐊᒃᑐᓄᑦ ᖃᓄᐃᖏᓯᐊᕐᓂᓕᕆᕕᓐᓂ ᐊᒻᒪᓗ ᐋᕿᑕᐅᒪᑦᓱᑎᒃ ᓱᓇᓂᒃ ᐱᓇᓱᒐᖃᕐᓂᓄᑦ ᖃᓄᑎᒋᓪᓗ ᐱᓇᓱᐊᓯᒪᓕᕐᓂᓄᑦ. ᑕᐃᒪᐃᒐᓇᐊᕐᑎᓗᒍ, ᐃᓚᒋᐊᕐᑕᐅᒍᑎᖃᓲᑦ ᐅᖓᓯᑦᑐᒥᐅᖑᓂᕐᒨᓕᖓᔪᓂᒃ ᐊᒻᒪᓗ ᐊᑭᑐᓂᕐᓴᓅᓕᖓᔪᓄᑦ ᐃᑲᔪᕐᓯᔭᐅᒍᑎᓂᒃ. ᐃᓚᖏᓐᓄᑦ ᐱᓇᓱᒐᕐᓄᑦ ᐃᓚᒋᐊᕆᒍᑕᐅᓲᖑᒻᒥᔪᑦ ᐱᓇᓱᒐᕐᒥ ᐊᑕᑯᑖᑦᑎᓯᒐᓱᐊᕈᑏᑦ. ᑕᑉᐱᑯᐊ ᐃᓚᒋᐊᕈᑏᑦ ᐋᕿᑕᐅᓂᖃᓲᑦ ᐃᑉᐱᒋᑦᓱᒋᑦ ᐃᓅᑐᐊᖑᒻᒪᖔᑕ ᐃᓚᖃᕐᒪᖔᑕᓗ ᐱᓇᓱᑦᑎᑖᖑᔪᑦ ᐊᒻᒪᓗ ᐃᑉᐱᒋᑦᓱᒍ ᓇᓪᓕᖏᓐ ᓄᓗᓕᓐᓂ ᓄᓇᕕᒻᒥ ᐱᓇᓱᕝᕕᖃᕐᓂᐊᓃᑦ. ᐅᖓᓯᓪᓕᕙᓪᓚᐊᓂᖅ ᑕᕐᕋᒧᑦ ᐅᓄᕐᓯᕙᓪᓕᐊᕈᑕᐅᓲᑦ ᐃᑲᔪᕐᓯᒪᐅᑎᓄᑦ.

ᓱᓕᕚ ᒫᓐᓇ ᐱᓇᓱᒐᕋᓂ ᓄᖃᖓᑲᐃᓐᓇᕈᒪᒍᓐᓇᑐᖓ ᑮᓇᐅᑦᔭᓴᖏᓗᖓ ᐱᓇᓱᒋᐊᕐᑐᑲᐃᓐᓇᕈᒪᒍᒪ ᑕᕐᕋᒧᑦ?
  • ᐋᐋᒡ, ᕈᓐᓇᑐᑎᑦ ᑭᓯᐊᓂ ᒪᓕᑦᑕᐅᒋᐊᓕᓐᓂ ᒪᓕᓪᓗᑎᑦ. ᐊᐱᕆᒋᐊᖃᕐᑐᑎᑦ ᒫᓐᓇ ᐱᓇᓱᕝᕕᒋᓴᕐᓂᒃ ᐊᑭᓕᕐᑐᑕᐅᖏᓗᑎᒃ ᕿᑲᑲᐃᓐᓇᕈᓐᓇᒪᖔᕐᐱᑦ ᑕᕐᕋᒥ ᐱᓇᓱᒋᐊᕐᑐᓚᖓᓗᑎᑦ ᓄᑖᓂᒃ ᐆᑦᑐᕆᐅᕈᒪᓂᑯᓐᓄᑦ ᐱᓇᓱᒐᕐᓂᒃ ᓄᖃᕈᓐᓇᐃᓗᑎᑦ. ᑕᑯᒋᐊᕐᓗᒍ ᐱᓇᓱᐊᕐᓂᒧᑦ ᐊᖏᖃᑎᒌᒍᑎᓯ ᐅᕝᕙᓘᓐᓃᑦ ᖃᐅᔨᒋᐊᕐᓗᑎᑦ ᐱᓇᓱᑦᑎᓕᕆᕕᓯᓐᓂ ᕿᑲᑲᐃᓐᓇᕈᒪᓃᑦ ᐱᓪᓗᒍ. ᐅᕙᑦᑎᓄᑦ ᐊᓪᓚᒍᓐᓇᒥᔪᑎᑦ ᐅᕗᖓ: rh.ungava@ssss.gouv.qc.ca

  • ᐃᓘᓐᓈᒍᑦ, ᐱᕕᖃᕐᑐᑎᑦ ᕿᑲᕈᓐᓇᑎᑕᐅᓂᕐᒥᒃ ᑕᕐᕋᒥ ᐱᓇᓱᒋᐊᕐᑐᓚᖓᒍᕕᑦ ᐱᓇᓱᒐᖃᕇᕈᕕᑦ ᑯᐸᐃᒃᒥ ᖃᓄᐃᖏᓯᐊᕐᓂᓕᕆᕕᐅᔪᒥ. ᐱᒍᓐᓇᑎᑕᐅᒍᕕᑦ ᐊᑦᔨᐅᖏᑦᑎᓗᒍ ᐊᑭᓕᕐᑐᑕᐅᒐᓂ ᕿᑲᑲᐃᓐᓇᓂᕐᓄᑦ, ᑕᕐᕋᒥ ᐱᓇᓱᒋᐊᕐᑐᓗᓂ ᕿᑲᑲᐃᓐᓇᓂᕐᒧᑦ ᐱᒍᓐᓇᑐᑎᑦ ᐅᑯᓂᖓ:

    • ᐱᓇᓱᒐᕐᓂ ᕿᑲᕐᓃᑦ ᓄᑕᐅᓯᓕᕐᑕᐅᒍᓐᓇᑐᖅ 48-ᓄᑦ ᑕᕐᕿᓄᑦ ᑎᑭᑦᑎᓗᒍ; ᐊᒻᒪᓗ

    • ᐱᓇᓱᐊᕐᓯᒪᓂᕐᓄᑦ ᐊᕐᕌᒍᐃᑦ ᓄᐊᑦᑐᑦ ᐃᓚᒋᐊᕈᑕᐅᒍᓐᓇᒥᔪᑦ ᐱᓇᓱᒐᕐᓄᑦ ᓄᖃᖓᕕᓐᓄᑦ ᐃᓕᖓᓂᐊᕐᑎᓗᒋᑦ.

CSTU FAQ 495x511 1 retouchee