ᐊᑦᑕᓇᖕᖏᑐᒦᑦᑎᓯᓂᖅ ᐃᓗᕐᕈᓯᕐᑎᒍᑦ
ᑐᑭᓯᑎᑦᓯᒋᐊᖕᖓᐅᑎᒃ
- ᓱᓇᐅᕚ ᐊᑦᑕᓇᖕᖏᑐᒦᑦᑎᓯᓂᖅ ᐃᓗᕐᕈᓯᕐᑎᒍᑦ?
ᐃᓕᕐᕈᓯᕐᑎᒍᑦ ᐊᑦᑕᓇᖕᖏᑐᒦᑦᑎᓯᓂᖅ ᐊᐅᓚᑦᔭᕆᐊᕐᓂᐅᕗᖅ ᑐᕌᒐᖃᕐᓱᓂ ᐋᓐᓂᐊᓯᐅᕆᓂᕐᒥᒃ ᐱᒍᑦᔨᐅᑏᑦ ᓲᓱᒋᔭᖃᑦᓯᐊᖁᓪᓗᒋᑦ ᐱᒻᒪᕆᖁᑕᐅᔪᓂᒃ, ᐅᑉᐱᕈᓯᐅᔪᓂᒃ ᐃᓕᕐᕈᓯᒃᑯᓗ ᐊᑑᑎᔭᐅᔪᓂᒃ ᓄᓇᓕᓐᓄᑦ ᐱᒍᑦᔨᔭᑦᑎᓄᑦ. ᑐᖕᖓᕕᖃᕐᑐᖅ ᓈᓚᓐᓂᒥᒃ, ᐃᓕᑕᕐᓯᓂᕐᒥᒃ ᐊᑦᔨᐅᖏᑦᑐᓂᒃ ᑭᖕᖑᒪᑦᓯᓂᖃᕐᓂᒥᒃ ᓵᖕᖓᓯᒐᓱᐊᕈᑕᐅᑦᓱᓂᓗ ᐱᓇᓱᐊᕐᕕᑎᒍᑦ ᓇᕐᕈᓂᐅᒍᓐᓇᑐᓂᒃ.
- ᓱᒧᑦ ᐊᑦᑕᓇᖕᖏᑐᒦᑦᑎᓯᓂᖅ ᐃᓗᕐᕈᓯᕐᑎᒍᑦ ᐊᑑᑎᒋᐊᖃᓪᓚᕆᒃᑲ ᑐᓚᑦᑕᕕᒻᒥ?
ᓄᓇᕕᒻᒥ, ᐃᓄᑐᐃᓐᓀᑦ ᐊᒥᓲᓂᕐᐸᐅᑎᓪᓗᒋᑦ, ᐱᒻᒪᕆᐅᕗᖅ ᑐᑭᓯᒪᖃᑎᒌᒋᐊᖃᕐᓂᖓ ᐋᓐᓂᐊᓯᐅᕆᔩᑦ ᑲᒪᒋᔭᐅᔪᓪᓗ, ᐅᐱᕆᔭᖃᑦᓯᐊᓂᕐᒥᒃ ᓄᐃᑕᑎᑦᓯᒍᑎᐅᓗᓂ.
ᖃᓄᐃᖕᖏᑐᑦᓯᐊᖑᒍᓐᓇᓂᕐᒥᒃ ᓄᐃᑕᑎᑦᓯᒍᑎᐅᔪᖅ (IQI) ᖃᓄᐃᖕᖏᓯᐊᕐᓂᒥᓪᓗ ᓱᕐᕃᒍᑎᐅᔪᑦ ᓄᓇᕕᒻᒥ
ᑎᓕᔭᐅᒪᐅᑎᓪᓚᕇᑦ
- ᐱᓇᓱᑦᑏᑦ ᑐᑭᓯᒪᓂᑦᓴᖓ ᐃᓕᓐᓂᐊᑎᑕᐅᓂᖓᓗ
- ᑲᑎᒪᓂᐊᕈᓯᖃᕐᑎᓯᓂᒃᑯᑦ ᐃᓄᐃᑦ ᐃᓕᕐᕈᓯᕐᒥᒍᑦ ᐱᒻᒪᕆᖁᑎᖏᓐᓂᒃ, ᐅᑉᐱᕆᔭᖏᓐᓂᒃ ᐱᕐᖁᓯᖏᓐᓂᓗ.
- ᐃᓕᓐᓂᐊᑎᓗᒋᑦ ᐱᓇᓱᑦᑏᑦ ᐊᑑᑎᓯᒪᔪᓂᒃ ᓱᕐᕃᓯᒪᓂᖓᓂᓪᓗ ᐃᓕᓐᓂᐊᕕᒻᒧᑦ ᐊᐅᓪᓚᑎᑕᐅᓂᐅᖃᑦᑕᓯᒪᔪᐃᑦ, ᐱᒍᑦᔨᐅᑎᐅᔪᑎᒍᑦ ᑐᑭᓯᒪᔭᐅᓂᖓ ᐃᓚᐅᑦᓯᐊᖁᓪᓗᒍ
- ᑲᔪᓯᑎᑕᐅᓂᖓ ᐃᓄᐃᑦ ᑐᑭᓯᒪᒍᑎᖓᑦ ᐅᑯᑎᒎᓇ, ᐃᓗᓯᕐᓱᓯᐊᕐᓂᖅ, ᖃᓄᐃᖕᖏᓯᐊᕐᓂᖅ ᐃᓅᖃᑎᒌᑦᓯᐊᓂᖅ
- ᓴᐳᑦᔨᓯᒪᓂᖅ ᐱᓇᓱᐊᖃᑎᒌᑦᑐᓂᒃ
- ᓴᐳᑦᔨᓯᒪᓂᖅ ᐱᓇᓱᐊᖃᑎᒌᑦᑐᓂᒃ ᓴᖑᑎᕆᒐᓱᐊᕐᑎᓗᒋᑦ ᐱᒍᑦᔨᐅᑎᓂᒃ ᑲᓱᕐᑎᓯᑦᓯᐊᕈᑕᐅᒍᓐᓇᑐᓂᒃ ᑲᒪᒋᔭᐅᔫᑉ ᐃᓕᕐᕈᓯᕐᒥᒍᑦ ᑭᖕᖒᒪᒋᔭᖏᓐᓂᒃ.
- ᐸᕐᓯᖓᐅᑎᓂᖃᓕᕐᐸᑕ ᑲᒪᒋᔭᐅᔪᑦ ᐱᓇᓱᑦᑏᓗ ᑲᓱᖃᑎᒌᑦᑎᓯᒐᓱᐊᕐᓂᖅ, ᑭᖕᖒᒪᓇᓕᕐᐸᑦ.
ᐱᓇᓱᐊᕋᑦᓴᓚᕆᐅᔪᑦ
- ᓄᐃᑎᕆᓂᖅ ᐃᓚᐅᑎᑦᓯᓯᐊᕐᓂᒨᓕᖓᔪᓂᒃ ᒪᓕᒐᕐᓂᒃ
- ᐱᓇᓱᐊᖃᑎᒌᒍᑎᒋᓗᒋᑦ ᓄᐃᑎᕐᑕᐅᓂᖏᑦ ᐃᓗᓕᕐᑕᕆᔭᐅᒋᐊᓖᑦ ᐃᓚᐅᔪᑦᓴᐅᓂᖏᓐᓄᑦ ᑐᖕᖓᕕᐅᔪᑦ ᐊᑦᑕᓇᖕᖏᑐᒦᑦᑎᓯᓂᕐᒧᑦ ᐃᓕᕐᕈᓯᕐᑎᒍᑦ
- ᑲᒪᒋᔭᐅᔭᕆᐊᓖᑦ ᓴᐳᑦᔨᓯᒪᔭᐅᓂᖓ
- ᐃᒻᒥᒎᑦᓯᐊᑐᒃᑯᑦ ᓴᐳᑦᔨᓯᒪᒍᑎᕐᑕᖃᕐᑎᓯᓂᖅ ᑐᑭᓯᓂᕐᓘᑎᑕᖃᓕᕐᐸᑦ ᐱᓪᓗᑯᒋᐊᓕᕐᑎᒍᓪᓗ ᑭᖕᖑᒪᓇᕐᑐᑕᖃᓕᕐᐸᑦ ᐃᓕᕐᕈᓯᕐᒨᓕᖓᔪᑎᒍᑦ.
- ᓇᐅᑦᓯᑐᐃᓂᖅ ᑲᔪᓯᔪᑎᒍᓪᓗ ᐱᐅᓯᕙᓪᓕᐊᑎᑦᓯᓂᖅ
- ᕿᒥᕐᕈᓂᖅ ᐅᓪᓗᒥᐅᔪᖅ ᐱᓇᓱᒍᓯᐅᓲᓂᒃ
- ᓇᓗᓀᕐᓯᓂᖅ ᐊᕐᖁᑕᐅᒍᓐᓇᑐᓂᒃ ᐱᐅᓯᐅᒥᑎᑦᓯᒐᓱᐊᕐᓂᒧᑦ ᐱᕈᕐᓴᑕᐅᒋᐊᖃᕐᓂᖓᓂᒃ ᐃᓚᐅᑦᓯᐊᓂᐅᑉ.
ᑐᕌᒐᓪᓚᕆᐅᔪᑦ
- ᐃᓕᕐᕈᓯᕐᒥᒃ ᐃᓕᑕᕐᓯᒪᖕᖏᔪᑎᐅᔪᓂᒃ ᒥᑭᓪᓕᑎᕆᓂᖅ
- ᐱᐅᓯᐅᒥᑎᓗᒋᑦ ᐊᑑᑎᖃᑦᑕᑕᖏᑦ ᐃᓄᐃᑦ ᑲᒪᒋᔭᐅᔭᕐᑐᓯᒪᔪᑦ ᐅᐱᒋᔭᐅᓂᒃᑯᑦ ᑐᑭᓯᒪᔭᐅᓂᒃᑯᓗ
- ᓱᖑᓯᐅᒥᑎᓗᒋᑦ ᐱᓇᓱᐊᖃᑎᒌᓐᓂᖓᑦ ᐋᓐᓂᐊᓯᐅᕆᔩᑦ ᓄᓇᓖᓪᓗ.
ᓱᕋᕈᑎᐅᒐᔭᕐᑐᑦ ᓂᕆᐅᒋᔭᐅᔪᑦ
- ᐅᑉᐱᕆᐅᑎᓂᖃᑦᓯᐊᓕᐅᒥᑎᓗᒋᑦ ᐃᓄᐃᑦ ᓄᓇᓕᖏᑦ ᐱᓇᓱᑦᑏᓗ
- ᖃᓄᐃᖕᖏᓯᐊᕆᐊᖃᕐᓂᑯᑦ ᑲᒪᒋᔭᐅᑦᓯᐊᖏᑦᔪᑏᑦ ᒥᑭᓪᓕᑎᕐᓗᒋᑦ
- ᐱᓇᓱᑦᑏᑦ ᓄᕐᖃᑲᑦᑕᖏᓐᓂᓴᐅᑎᓗᒋᑦ ᓇᒻᒪᓴᓕᕐᓂᓴᐅᑎᓗᒋᓪᓗ ᑐᑭᓯᒪᑦᓯᐊᓕᐅᒥᓂᒃᑯᑦ ᐃᓕᕐᕈᓯᕐᒥᒃ.
ᐃᓱᓕᒍᑎᒃ
ᐊᑦᑕᓇᖕᖏᑐᒦᑦᑎᓯᓂᖅ ᐃᓕᕐᕈᓯᕐᑎᒍᑦ ᑐᖕᖓᕕᓪᓚᕆᐅᒋᐊᖃᕐᖁᖅ ᑫᓪᓗᑐᐃᓂᕐᒧᑦ ᐊᑦᔨᒌᑦᑎᓯᓂᕐᒥᒃ, ᑐᖕᖓᓱᑦᑎᓯᓂᕐᒥᒃ ᓲᓱᒋᔭᖃᑦᓯᐊᓂᕐᒥᓗ ᐋᓐᓂᐊᓯᐅᕆᒍᓯᒋᔭᖏᓐᓂ ᑐᓚᑦᑕᕕᐅᑉ. ᐱᓇᓱᐊᖃᑎᒌᓪᓗᑕ, ᐃᓂᑦᓯᐊᒥᒃ ᐱᕈᕐᓭᒍᓐᓇᖁᒍᑦ ᐊᑐᓂ ᐊᑐᕐᑎᐅᔪᖅ ᑲᒪᒋᔭᐅᔪᖅ ᑐᖕᖓᓱᑦᓯᐊᖁᓪᓗᒍ ᐅᐱᒋᔭᐅᓂᖃᖁᓪᓗᒋᓪᓗ.
ᐃᓕᑦᓯᒋᐊᓪᓚᕈᒪᒍᕕᑦ
Fact Sheets:
• FACT SHEET 1 - THE INUIT OF NUNAVIK TODAY
• FACT SHEET 2 - NUNAVIK’S INSTITUTIONS: WHO DOES WHAT?
• FACT SHEET 3 - COLONIAL HISTORY IN NUNAVIK
• FACT SHEET 4 - TUBERCULOSIS, MEDICAL EVACUATIONS, AND FAMILY SEPARATION
• FACT SHEET 5 - THE JAMES BAY AND NORTHERN QUEBEC AGREEMENT (JBNQA)
• FACT SHEET 6 - HEALING, REBUILDING, AND PASSING KNOWLEDGE ON
• FACT SHEET 7 - LANGUAGE AND INTERCULTURAL COMMUNICATION
ᖃᓄᐃᖕᖏᑐᑦᓯᐊᖑᒍᓐᓇᓂᕐᒥᒃ ᓄᐃᑕᑎᑦᓯᒍᑎᐅᔪᓂᒃ (IQI):
• ᐃᓗᐃᑦᑐᖅ
La sécurisation culturelle en santé et en services sociaux (French)
Aide-Mémoire Guide : La sécurisation culturelle en santé et en services sociaux (French)
Contact us: cultural-safety.cstu@ssss.gouv.qc.ca