ᐅᖓᕙᒥ ᑐᓚᑦᑕᕕᐅᑉ ᐋᓐᓂᐊᕕᖓ ᖃᐅᔨᑎᑦᓯᒍᒪᕗᖅ ᓄᓇᕕᒻᒥᐅᓂᒃ ᒪᓐᓇᐅᑎᓪᓗᒍ ᖃᓄᐃᓕᖓᓂᕆᓕᕐᑕᖓᓂᒃ ᑐᓵᔨᐊᐱᐅᑉ ᐃᓄᑐᙯᑦ ᐊᓂᕐᕋᒐᑕ.
ᐃᓄᑐᖃᕗᑦ ᐃᓂᖃᑦᓯᐊᕆᐊᖃᕐᐳᑦ ᐊᑦᑕᓇᖕᖏᑐᒥ, ᓲᓱᒋᔭᐅᕕᑦᓯᐊᒥ ᐃᓂᓪᓚᑕᐅᓯᒪᒍᓯᓕᒻᒥᓗ ᑭᖕᖑᒪᑦᓯᓂᖓ ᒪᓕᓪᓗᒍ. ᑕᒪᓐᓇ ᑐᖕᖓᕕᒋᑦᓱᒍ ᐱᓇᓱᐊᕐᑎᕗᑦ ᕿᒥᕐᕈᓂᖃᕉᑕᕆᕗᑦ ᐱᓪᓗᑯᒋᐊᓕᕐᑎᒎᓕᖓᔪᓂᒃ ᖃᐅᔨᔭᐅᓯᒪᔪᓂᒃ ᑕᒡᒐᓂ ᐃᓪᓗᒥ ᐱᓇᓱᐊᕈᓯᕐᓂ ᐃᑭᑦᑑᒐᓗᐊᓂ ᐊᓂᒍᕐᑐᓂ.
ᑕᒪᒃᑯᐊ ᖃᐅᔨᓯᒪᔭᕗᑦᑦ ᐃᓕᖓᓗᐊᖕᖑᐊᑐᑦ ᐅᕐᖁᓯᓴᐅᑎᒨᓕᖓᔪᓄᑦ ᐊᓯᖏᓐᓄᓗ ᐱᒻᒪᕆᐅᑦᓱᑎᒃ ᐱᓪᓗᑯᒋᐊᖃᕐᑐᓅᓕᖓᔪᓄᑦ ᑕᒡᒐᓂ ᐃᓪᓗᒥ. ᖃᓄᐃᓕᒋᐊᕈᑎᐅᔪᓂᒃ ᒫᓐᓇᓯᐅᑏᓂᒃ ᐊᐅᓚᑦᔭᕆᐊᕈᑎᖃᕐᓯᒪᕗᒍᑦ ᐊᑦᑕᓇᖕᖏᑐᒦᖁᔨᒧᑦ ᑕᒡᒐᓂ ᐃᓂᖃᕐᑎᑕᐅᔪᓂᒃ ᐱᓇᓱᑦᑎᓂᓪᓗ, ᐱᐅᒃᑯᑏᑦ ᐃᑉᐱᒋᔭᐅᒐᓱᐊᒻᒪᕆᓐᓂᖓ ᐃᓚᒋᔭᐅᑎᓪᓗᒍ.
ᐊᑐᓂ ᑌᑲᓂ ᐊᓂᕐᕋᓖᑦ ᖃᓄᐃᓕᖓᒋᐊᖃᕐᓂᖓ ᕿᒥᕐᕈᔭᐅᓂᖃᑦᓯᐊᑐᖅ
ᖁᓕᓪᓗ ᐱᖓᓱᓪᓗᐃᑦ ᐃᓄᑐᙯᑦ ᑐᓵᔨᐊᐱᒻᒦᑐᑦ. ᑖᒃᑯᓇᓂ ᐊᒥᓱᒐᓓᑦ ᑲᒪᒋᔭᐅᓪᓗᑯᐊᐱᒍᓯᖃᕆᐊᓖᑦ.
ᐊᑐᓂ ᑐᓵᔨᐊᐱᒻᒦᑐᑦ ᒪᓐᓇᐅᑎᓪᓗᒍ ᓱᓇᒥᑦᓯᐊᑐᒃᑯ ᐃᒻᒥᒎᓇᕐᑎᓯᐊᕐᑐᑯᓪᓗ ᐊᓐᓂᐊᓯᐅᕐᑕᐅᒍᓯᖓᑦ ᕿᒥᕐᕈᔭᐅᔪᖅ. ᑕᒪᓐᓇ ᖃᐅᔨᓇᓱᐊᕈᑕᐅᔪᖅ ᐊᑦᑕᓇᖕᖏᑐᒃᑯᑦ ᐃᓱᐊᕐᓂᐹᒃᑯᑦ ᑲᒪᒋᔭᐅᒍᓯᖃᕆᐊᖃᕐᒪᖔᑕ ᓇᓂᓗ ᐃᓂᖃᕐᑎᑕᐅᒍᓐᓇᓂᐊᕐᒪᖔᑕ.
ᓯᕗᓪᓕᐸᐅᑦᔨᔭᕗᑦ ᓱᕐᖁᐃᓯᐊᕐᑐᖅ: ᐊᑐᓂ ᑖᒃᑯᐊ ᑲᒪᒋᔭᐅᒍᓯᖃᑦᓯᐊᖁᓪᓗᒋᑦ ᓈᒻᒪᓈᕐᑐᒥᒃ, ᓈᒻᒪᓈᕐᑐᑯᑦ, ᐃᓂᖃᖁᓪᓗᒋᑦ ᐊᑦᑕᓇᖕᖏᑐᒥᒃ ᓲᓱᒋᔭᖃᑦᓯᐊᑐᒥᒃ ᐃᓅᑦᔪᓯᖓᓂᒃ.
ᐊᓯᑦᔨᑎᕆᕙᓪᓕᐊᓂᕐᒧᑦ ᑲᑎᑦᑕᑎᐊᐲᑦ ᓄᐃᑕᐅᓂᖓᑦ
ᑕᒪᓐᓇ ᖃᓄᐃᓕᒋᐊᕆᐊᖃᕐᓂᐅᓕᕐᑐᖅ ᑲᔪᓯᑦᓯᐊᖁᓪᓗᒍ, ᑲᑎᑦᑕᑎᐊᐲᑉ ᐊᑦᓯᔨᑎᕆᕙᓪᓕᐊᓂᕐᒧᑦ ᓄᐃᑕᐅᓯᒪᓕᕐᑐᑦ ᑲᒪᓚᖓᓗᑎᒃ ᐃᓂᖃᑦᓯᐊᑎᑕᐅᒋᐊᖃᕐᓂᖓᓂᒃ ᐊᑦᑕᓇᕐᑐᒦᒋᐊᖃᖕᖏᓂᖓᓂᓪᓗ ᑐᓵᔨᐊᐱᐅᑉ ᐱᑦᔪᔨᔭᖏᑦ. ᑖᒃᑯᐊ ᑲᑎᑦᑕᑎᐊᐲᑦ ᐃᓚᐅᕕᐅᔪᑦ ᓄᓇᕕᒻᒥ ᐃᓗᓯᓕᕆᔨᒃᑯᓂᑦ ᑐᓚᑦᑕᕕᐅᓪᓗ ᐋᓐᓂᐊᕕᖓᓂᑦ ᐱᓯᒪᔪᓄᑦ.
ᑎᓕᔭᐅᒪᐅᑎᓖᑦ ᐅᑯᓂᖓ:
ᐱᕕᓕᒫᒃᑯᑦ, ᐋᕐᕿᕈᑎᐅᒍᓐᓇᑐᑦ ᓄᓇᕕᒻᒥ ᐊᑑᑎᔭᐅᒐᓱᐊᕈᒪᔪᐃᑦ. ᐋᓐᓂᐊᓯᐅᕐᑕᐅᒍᓯᖏᑦ ᐃᓚᖏᑦᑕ ᒪᓕᓪᓗᒋᑦ, ᐱᓇᓱᐊᖃᑎᒋᓲᕗᑦ ᖃᓪᓗᓈᑦ ᓄᓇᖓᓂ ᑯᐯᑉᒥ ᐃᓱᒪᒋᔭᐅᒐᓱᐊᑐᐃᓐᓇᕆᐊᖃᕐᒥᔪᑦ ᑲᔪᓯᑎᑕᐅᑦᓯᐊᖁᓪᓗᒋᑦ ᑲᒪᒋᔭᐅᒍᓯᐅᒋᐊᓖᑦ.
ᐃᓚᒋᔭᐅᔪᑦ ᐃᓱᒫᓘᑎᒋᑦᓯᐊᑕᕗᑦ
ᐃᓚᒋᔭᐅᔪᐃᑦ ᖃᐅᔨᑎᑕᐅᒪᓕᕐᑐᑦ ᐃᑲᔪᕐᓯᒪᔭᐅᑦᓱᑎᓪᓗ ᖃᓄᐃᓕᒍᑕᐅᔪᓕᒫᓂ. ᐊᓐᓂᐊᓯᐅᕆᔨᕗᑦ, ᐋᓐᓂᐊᓯᐅᑏᑦ ᐃᓄᓕᕆᔩᓪᓗ, ᑲᑎᓯᖃᑦᑕᑐᐃᑦ ᐃᓚᒋᔭᐅᔪᓂᒃ ᑐᑭᓯᒪᑎᑦᓱᒋᑦ ᑕᒪᑦᓱᒥᖓ ᐊᐱᕆᐅᑎᖏᓪᓗ ᑭᐅᔭᐅᖃᑦᑕᓱᑎᒃ.
ᑕᒪᓐᓇ ᐃᓱᒫᓗᓐᓇᑑᒻᒪᑦ, ᐱᒻᒪᕆᐅᕗᖅ ᓇᓚᑦᓯᐊᖃᑦᑕᕆᐊᖅ, ᑐᑭᓯᓇᕐᑎᓯᑦᓯᐊᖃᑦᑕᕆᐊᖅ ᑲᑎᓯᖃᑦᑕᕆᐊᕐᓗ ᑐᓵᔨᐊᐱᒻᒦᑐᓂᒃ ᐃᓚᖏᓐᓂᓗ, ᓲᓱᒋᔭᖃᑦᓯᐊᓂᒃᑯᑦ ᐃᓚᑦᔪᓂᖃᑦᓯᐊᓂᒃᑯᓗ.
“ᐊᑦᑕᓇᕐᑐᒦᑦᑌᓕᒋᐊᖃᕐᓂᖓ, ᐃᓅᑦᔪᓯᖓ, ᖃᓄᐃᖕᖏᓯᐊᕆᐊᖃᕐᓂᖓᓗ ᐃᓄᑐᖃᑦᑕ ᐅᒻᒪᒥᐅᑕᕆᑦᓯᐊᓱᒍ ᑐᑭᑖᕈᑎᖃᖃᑦᑕᖁᒍᑦ. ᖃᐅᔨᒪᑦᓱᑕᓗ ᑕᒪᓐᓇ ᐃᓱᒫᓗᒍᑕᐅᒋᐊᖓ ᐃᓚᒌᓄᑦ ᓄᓇᓕᒻᒥᐅᑕᐅᔪᓄᓪᓗ. ᑌᒣᒻᒪᑦ ᐱᓇᓱᐊᕐᑎᕗᑦ ᐱᑦᓯᐊᕋᓱᐊᒻᒪᕆᑦᓱᑎᒃ ᓲᓱᒋᔭᖃᑦᓯᐊᓱᑎᓪᓗ ᐱᓇᓱᐊᖃᑦᑕᑐᐃᑦ, ᕿᒥᕐᕈᓱᑎᒃ ᐊᑐᓂ ᖃᓄᐃᓕᖓᒍᑕᐅᒋᐊᓕᓐᓂᒃ ᑖᒃᑯᐊᓗ ᑲᒪᒋᔭᐅᒍᓯᖃᑦᓯᐊᖁᓪᓗᒋᑦ ᐊᑦᑕᓇᖕᖏᑐᑦᓯᐊᒥ ᐃᓂᒥ. ᐊᔪᐃᓐᓇᐅᑎᖃᕐᐳᒍᑦ ᐃᑲᔪᕐᓯᒪᒋᐊᒥᒃ ᐃᓚᒌᓂᒃ ᐊᐅᓚᑦᔭᕆᐊᕐᓂᓕᒫᑎᒍᑦ ᑐᓴᐅᒪᔭᐅᑎᑦᓯᓯᐊᕐᓱᑕᓗ ᐅᒃᑯᐃᖓᑦᓯᐊᓂᒃᑯᑦ ᑕᒪᓐᓇ ᐊᑑᑎᑎᓪᓗᒍ.”
- ᓛᔨ ᒍᐊᑦ,
ᑲᒪᔨᒻᒪᕆᖓ ᐅᖓᕙᒥ ᑐᓚᑦᑕᕕᐅᑉ ᐋᓐᓂᐊᕕᖓᑕ
ᐱᑐᑦᓯᒪᖃᑎᒌᑦᑎᓯᑦᓯᐊᓂᖅ ᐃᓚᒌᓂᒃ
ᑐᓵᔨᐊᐱᒻᒥᐅᖅ ᓇᓪᓕᐊ ᖃᓪᓗᓈᑦ ᓄᓇᖓᓐᓄᑦ ᓄᑦᑎᑕᐅᒋᐊᖃᕐᐸᑦ, ᐃᓂᓪᓚᓯᒪᐅᑎᑦᓯᐊᑦ ᐋᕐᕿᑕᐅᒪᓚᖓᔪᑦ ᐃᓚᒋᓐᓂᖅ, ᐅᖃᐅᓯᖅ ᐃᓕᕐᕈᓯᕐᓗ ᐱᑐᑦᓯᒪᖃᑎᒌᒍᑎᐅᖏᓐᓇᖁᓪᓗᒍ.
ᐅᑯᐊ ᐃᓂᓪᓚᑕᐅᒪᓚᖓᔪᑦ:
ᑐᓵᔨᐊᐱᒻᒥᐅᖅ ᒪᓕᑦᑎᖃᕆᐊᖃᕐᐸᑦ ᐊᐅᓪᓚᓯᒍᓂ, ᖃᓄᐃᓕᖓᒍᓯᐅᒋᐊᓖᑦ ᒪᓕᒐᐅᔪᓪᓗ ᐃᒻᒪᖃᐅᑎᖃᖕᖏᑐᐃᑦ ᐱᕙᓪᓕᖁᑎᖃᕐᑎᑕᐅᒍᑎᖏᓐᓄᑦ (NIHB) ᐊᑑᑎᓚᖓᔪᑦ.
ᐱᓇᓱᑦᑏᑦ ᖃᐅᔨᑎᑕᐅᒪᓕᕐᑐᑦ ᐃᑲᔪᕐᓯᒪᔭᐅᑦᓱᑎᓪᓗ
ᑐᓵᔨᐊᐱᐅᑉ ᐱᓇᓱᑦᑎᖏᑦ ᑲᑎᔭᐅᓯᒪᓕᕐᒥᔪᑦ ᖃᐅᔨᑎᑕᐅᑦᓱᑎᓪᓗ ᖃᓄᐃᓕᖓᓂᐅᓕᕐᑐᒥᒃ ᐃᓱᒫᓘᑎᒋᔭᖏᓪᓗ ᓵᖕᖓᔭᐅᑦᓱᑎᒃ.
ᑐᓚᑦᑕᕕᒃ ᐱᓇᓱᑦᑎᒥᓂᒃ ᐃᓱᒫᓗᖁᔨᖕᖏᑐᖅ. ᖃᓄᓕᒫᑦᓯᐊᑯᑦ ᐱᓇᓱᐊᕐᑕᐅᔪᖅ ᐱᓇᓱᒉᕈᖁᖕᖏᓗᒋᑦ ᐃᑲᔪᕐᓯᒪᓗᒋᓪᓗ ᑕᒪᓐᓇ ᐊᑑᑎᑎᓪᓗᒍ. ᐊᒥᓱᒐᓓᑦ ᐱᕕᑦᓴᖃᕐᕕᐅᒍᓐᓇᓚᖓᔪᑦ ᐊᓯᖏᓐᓂ ᐊᓐᓂᐅᕕᐅᑉ ᐱᓇᓱᐊᕐᕕᖏᓐᓂ ᐱᓇᓱᑦᑏᑦ ᑲᔪᓯᒍᓐᓇᖁᓪᓗᒋᑦ ᐱᓇᓱᒐᕐᒥᓂᒃ ᖃᐅᔨᒪᔫᓂᕐᒥᒍᑦ ᐱᒍᑦᔨᔨᐅᓂᒃᑯᑦ ᓄᓇᓕᒻᒥᒃ, ᐱᕙᓪᓖᒍᓐᓇᓂᕐᒥᒍᓪᓗ ᐊᑐᕐᑎᐅᔪᓂᒃ.
ᐊᑦᑕᓇᖕᖏᑐᒦᒋᐊᖃᕐᓂᖓ, ᐃᓅᑦᔪᓯᖓᑦ ᖃᓄᐃᖕᖏᓯᐊᕆᐊᖃᕐᓂᖓᑕᓗ ᐃᓄᑐᖃᑦᑕ ᐆᒻᒪᒥᐅᑕᕆᑦᓯᐊᓱᒍ ᑐᑭᑖᕈᑕᐅᖃᑦᑕᑐᖅ.
