ᖃᕆᑕᐅᔦᑦ ᐅᐃᕕᕐᕆᔭᐅᓂᒃᑯᑦ ᐱᓂᕐᓗᑕᐅᓂᖓᑦ
ᐱᑦᔪᔨᔭᖏᓐᓄᑦ ᐱᓇᓱᑦᑎᖏᓐᓄᓗ ᑐᓚᑦᑕᕕᐅᑉ, ᖃᐅᔨᑎᑕᐅᒍᑎᑦᓴᓯ ᐊᑐᐃᓐᓇᐅᑎᑕᐅᓛᕐᑐᑦ
ᐱᑦᔪᔭᐅᑦᑕᑐᑦ:
ᖃᕆᑕᐅᔭᒃᑯᑦ ᐊᓪᓚᑖᕐᕕᒃ: patient.info.cstu@ssss.gouv.qc.ca
ᐅᖄᓚᐅᑎᒃ: 873 505-0920
ᐱᓇᓱᑦᑏᑦ:
ᖃᕆᑕᐅᔭᒃᑯᑦ ᐊᓪᓚᑖᕐᕕᒃ: myprivateinfo.cstu@ssss.gouv.qc.ca
ᐅᖄᓚᐅᑎᒃ: 514 434-0591
ᐅᖓᕙᐅᑉ ᐋᓐᓂᐊᕕᖓ ᑐᓚᑦᑕᕕᒃ ᖃᐅᔨᑎᑦᓯᕗᖅ ᓇᐅᓕᒫᓂᒃ ᖃᕆᑕᐅᔭᖁᑎᖏᑦ ᐅᐃᕕᕐᕆᔭᐅᓂᖃᓚᐅᕐᒪᑕ ᐱᓂᕐᓗᑕᐅᑦᓱᑎᒃ ᐊᐅᓚᑕᐅᓯᒪᔪᒧᑦ ᐅᐃᕕᑦᑐᓄᑦ ᓅᕕᒻᐱᕆ 2025-ᖑᑎᓪᓗᒍ. ᑖᒪᓐᓇ ᖃᐅᔨᔭᐅᑦᓴᑐᐊᕐᒪᑦ, ᑐᓚᑦᑕᕕᐅᑉ ᐱᓇᓱᑦᑎᖏᑦ ᐅᖑᐃᑦᓴᐅᑎᒋᓚᐅᕐᑐᑦ ᑕᑦᓱᒥᖓ ᐱᓂᕐᓗᑕᐅᒍᑎᒥᒃ, ᐅᒃᑯᐊᓱᒍ ᖃᕆᑕᐅᔦᑦ ᐃᑎᕐᑕᐅᒍᑎᕕᓂᖓ ᐊᑦᑕᓀᓕᑎᑦᓴᐅᑎᒋᑦᓱᒋᓪᓗ ᖃᕆᑕᐅᔭᓕᕆᐅᓯᓕᒫᑦ.
ᑐᓚᑦᑕᕕᒃ ᐱᒻᒪᕆᐊᓘᓂᕃᔪᖅ ᑕᒪᑦᓱᒥᖓ ᐅᐃᕕᕐᕆᔭᐅᓂᐅᓚᐅᕐᑐᒥᒃ ᐱᓂᕐᓗᑕᐅᒍᑎᒋᔭᒥᓂᒃ. ᑲᒪᒋᔭᐅᑦᓯᐊᒪᕆᑦᑐᖅ ᐱᓇᓱᑦᑎᑎᓐᓄᑦ ᓯᕗᓪᓕᐸᐅᑦᔭᐅᒪᕆᑦᓱᓂ ᐊᑦᑕᓀᓕᒋᐊᕈᑎᑦᓴᓕᒫᓪᓗ ᐃᓂᓪᓚᑕᐅᒪᓕᕐᓱᑎᒃ.
ᑐᓚᑦᑕᕕᒃ ᐱᓇᓱᐊᖃᑎᖃᑦᓯᐊᑐᖅ ᐊᒥᓱᓂᒃ ᐱᓇᓱᐊᖃᑎᑦᓴᔭᒥᓂᒃ, ᐃᓚᒋᔭᐅᑎᓪᓗᒋᑦ ᑯᐯᒻᒥ ᐋᓐᓂᐊᓂᓕᕆᓂᕐᒥ ᖃᕆᑕᐅᔭᓂᒃ ᐅᐃᕕᕐᕆᔭᐅᑎᑦᓯᑌᓕᔩᑦ ᐱᓇᓱᐊᕐᕕᖓᓂᒃ (CDOC)-ᑯᑦ, ᑯᐯᑉ ᐳᓖᓯᖏᓐᓂᒃ ᓄᓇᕕᒻᒥᓗ ᐃᓗᓯᓕᕆᔨᒃᑯᑦ ᑲᑎᒪᔨᖏᓐᓂᒃ, ᓴᐳᑎᓯᒪᔭᐅᑦᓯᐊᖁᓪᓗᒋᑦ ᑐᑭᓯᒪᐅᑎᓴᔦᑦ ᐃᑲᔪᕐᓯᒪᑦᓱᑎᓪᓗ ᖃᐅᔨᓴᕐᓂᐅᕉᑕᕆᔪᒥᒃ.
ᕿᒥᕐᕈᕆᐊᖕᖓᓂᐅᔪᑦ ᓄᐃᑦᓯᓚᐅᕐᑐᑦ ᑐᑭᓯᒪᐅᑎᑦᓴᔭᓪᓚᕆᐅᒋᐊᓖᑦ ᐅᐃᕕᕐᕆᔭᐅᓯᒪᖕᖏᒋᐊᖏᓐᓂᒃ. ᑭᓯᐊᓂ, ᒪᓐᓇᖃᒻᒥᖅ ᖃᐅᔨᔭᐅᔪᖃᓚᐅᕐᑐᖅ ᐊᓪᓚᖁᑎᒋᔭᐅᔪᑦ ᐃᓗᓕᖃᑐᐃᓐᓇᕆᐊᓖᑦ ᐋᓐᓂᐊᓯᐅᕐᑕᐅᒍᑎᐅᓯᒪᔪᓂᒃ ᐊᐅᓚᑦᓯᓂᓕᕆᓂᕐᒨᓕᖓᔪᓂᓪᓗ ᐃᓕᖓᑦᓱᑎᒃ ᐱᑦᔪᔭᐅᑦᑕᑐᑦ ᐱᓇᓱᑦᑏᓗ ᐃᓚᖏᓐᓄᑦ ᑲᒪᒋᔭᐅᔪᕕᓂᐅᓯᒪᑐᐃᓐᓇᕆᐊᖏᑦ.
ᑐᓚᑦᑕᕕᒃ ᑐᑭᓯᒪᑦᓯᐊᑐᖅ ᐃᓱᒫᓗᓕᕈᑎᐅᑐᐃᓐᓇᕆᐊᖃᕐᓂᖓᓂᒃ ᑕᒪᑦᑐᒪ. ᑌᒣᑦᑐᐃᑦ ᖃᕆᑕᐅᔭᕐᒥᒃ ᐅᐃᕕᕐᕆᓯᓂᐅᔪᑦ ᐱᓇᓱᐊᕐᑕᐅᕙᓪᓗᓲᑦ ᐃᓂᓪᓚᑎᕐᓯᒪᑦᔪᓄᑦ ᐱᒍᓐᓇᓂᓕᐊᓗᓐᓄᓗ ᑌᒣᓗᕐᑎᓄᑦ, ᐅᐱᓐᓇᕋᓂ ᐃᕐᐱᒍᓱᑦᓯᐊᒪᕆᐊᓗᒋᐊᖃᕈᑎᒋᔭᕗᑦ.
ᐊᐅᓚᑦᔭᕆᐊᕈᑕᐅᓯᒪᔪᑦ ᑐᓚᑦᑕᕕᒻᒧᑦ ᐱᔭᕆᕐᑕᐅᓯᒪᓕᕐᑐᑦ ᓴᐳᒻᒥᓯᐊᕋᓱᐊᕈᑎᐅᑦᓱᑎᒃ ᖃᐅᔨᒪᔭᐅᒍᑎᑦᓴᔭᓂᒃ ᐃᑲᔪᕐᓯᒍᑎᐅᑦᓱᑎᓪᓗ ᖃᐅᔨᓴᕐᓂᐅᔪᒥᒃ
ᓯᕗᕐᖐᓯᒪᒐᓱᐊᕈᑎᐅᔪᐃᑦ ᐃᓕᖓᔪᑦ ᐱᑦᔪᔭᐅᕙᑦᑐᓄᑦ ᐱᓇᓱᑦᑎᓄᓪᓗ
ᖃᐅᔨᓴᕐᓂᖅ ᑲᔪᓯᓂᖓᓂ, ᑐᓚᑦᑕᕕᒃ ᖃᐅᔨᒪᖁᔨᕗᖅ ᐱᑦᔪᔨᕙᑦᑕᒥᓂᒃ ᐱᓇᓱᑦᑎᒥᓂᓪᓗ ᐃᑉᐱᒍᓱᑦᓯᐊᒪᕆᖃᑦᑕᖁᔨᑦᓱᓂ:
ᐊᐅᓚᑦᔭᕆᐊᓪᓚᕈᑕᐅᒪᔪᑦ ᑐᓚᑦᑕᕕᒻᒧᑦ