ᒪᓐᓇᖃᒻᒥᖅ ᑐᓴᕐᑎᓯᒍᑎᐅᔪᖅ ᓄᐃᑕᐅᒪᔪᖅ Noovo-ᑯᑦ ᑕᑯᑦᓴᐅᑎᑦᓯᕗᖅ ᐊᑦᔨᐅᖏᑦᑐᒪᕆᒻᒥᒃ ᐊᑑᑎᓂᖃᑦᓯᐊᒪᕆᓐᓂᕆᓚᐅᕐᑕᖓᓂᒃ ᑕᓪᓕᒣᑦ ᐋᓐᓂᐊᓯᐅᕐᑎᐅᒋᐅᕐᓴᑐᑦ ᐱᔭᕇᓚᐅᕐᒪᑕ ᐱᓇᓱᒐᕐᒦᓱᑎᒃ ᐃᓕᓐᓂᐊᓂᕐᒥᓂᒃ ᑐᓚᑦᑕᕕᐅᑉ ᐋᓐᓂᐊᕕᖓᓂ ᔭᓄᐊᕆ 2026-ᖑᑎᓪᓗᒍ.
ᑖᓐᓇ ᑐᓴᕐᑎᓯᒍᑎᒃ ᓄᐃᑕᑎᑦᓯᔪᖅ ᖃᓄᐃᑦᑐᑰᖃᑦᑕᓂᕆᓚᐅᕐᑕᖓᓐᓂᒃ ᑖᒃᑯᐊ ᓯᕗᓂᕐᒥ ᐋᓐᓂᐊᓯᐅᑎᓴᐅᓕᕐᑐᐃᑦ, ᐱᔭᕇᕈᒪᓯᒪᓚᐅᕐᑐᑦ ᐋᓐᓂᐊᕕᐅᑉ ᐃᓗᐊᓂ ᐱᓇᓱᐊᕐᓗᑎᒃ ᑯᑦᔪᐊᒃ, ᓄᓇᕕᒻᒥ. ᐊᐱᕆᔭᐅᒍᑎᖏᑦᑎᒍᑦ ᐱᓇᓱᒐᕐᒦᓱᑎᓪᓗ ᐊᑦᔨᓕᐅᕐᑕᐅᒍᑎᕕᓂᖏᑦᑎᒍᑦ, ᑖᑦᓱᒥᖓ ᑕᑯᓐᓇᑐᐃᑦ ᑐᑭᓯᓕᕋᔭᕐᑐᑦ ᖃᓄᖅ ᑖᓐᓇ ᐅᑭᐅᕐᑕᑐᒥ ᐱᓇᓱᒐᕐᒦᓱᑎᒃ ᐱᒋᐅᕐᓴᑐᐃᑦ ᑐᑭᓯᓪᓚᕆᓚᐅᕐᒪᖔᑕ, ᐱᓇᓱᒐᖃᕐᓂᑯᑦ ᓇᒻᒥᓂᕐᓗ ᐃᓅᓯᕐᒥᒍᑦ, ᑕᒪᒃᑯᓂᖓ ᐱᐅᓯᐅᕙᑦᑐᓂᒃ ᐋᓐᓂᐊᓯᐅᕆᒋᐊᖃᕐᓂᑯᑦ ᓄᓇᒥ ᐅᖓᓯᑦᑐᒦᑦᑐᒥ.
ᑖᓐᓇ 3 ᒥᓂᑦᓯᓂᒃ ᑕᑭᓂᓕᒃ ᑐᓴᕋᑦᓴᓕᐊᖑᒪᔪᖅ ᑕᑯᓐᓇᕈᓐᓇᑕᓯ ᐅᕙᓂ (ᒍᐃᒍᐃᑎᑐᑦ): https://www.noovo.info/nouvelles/sante/article/un-stage-dans-le-nord-du-quebec-ouvre-les-yeux-de-5-etudiants-en-soins-infirmiers
As previously shared in our article on the internship experience in Kuujjuaq, this initiative allows nursing students from the south to:
ᐊᓪᓚᓯᒪᔪᓂ ᓄᐃᓚᐅᔪᒻᒥᒐᑦᑎᒍ ᐱᓇᓱᒐᕐᒦᓱᑎᒃ ᐱᒋᐅᕐᓴᑐᐃᑦ ᐊᑑᑎᔭᖓᓂᒃ ᑯᑦᔪᐊᒥ, ᑖᓐᓇ ᐱᒋᐊᕐᑎᑕᐅᒪᔪᖅ ᐱᕕᖃᕐᑎᓯᒍᑎᐅᔪᖅ ᐋᓐᓂᐊᓯᐅᕐᑎᐅᒋᐅᕐᓴᑐᓂᒃ ᖃᓪᓗᓈᑦ ᓄᓇᖓᓂᒥᐅᓂᒃ ᐃᒣᒍᓐᓇᖁᓪᓗᒋᑦ:
Noovo ᑐᓴᕐᑎᓯᐅᑎᒃ ᓄᐃᑦᓯᓯᐊᓪᓚᕆᑦᑐᖅ ᖃᓄᖅ ᓄᓇᕕᒻᒥ ᐱᓇᓱᓐᓂᖅ ᐃᓕᑦᓯᑎᑦᓯᒍᓐᓇᒪᖔᑦ ᐊᑑᑎᑎᑦᓯᓂᒃᑯᑦ, ᐊᑦᓱᕈᕐᓇᑐᕐᑕᖃᕋᓗᐊᕐᒥᓱᓂ ᑭᓯᐊᓂ ᐱᐅᔪᐊᓗᑦᑕᖃᕐᒥᔪᖅ. ᐃᓕᓐᓂᐊᑏᑦ ᐅᖃᐅᓯᖃᓚᐅᕐᑐᑦ ᑐᖕᖓᓇᕐᓂᕃᑦᓱᑎᒃ ᓄᓇᓕᒻᒥ, ᐱᓇᓱᐊᖃᑎᒌᑦᓯᐊᑐᕐᑕᖃᕐᓂᕃᑦᓱᑎᒃ, ᐱᕕᖃᕐᑎᑕᐅᓂᕋᕐᓱᑎᓪᓗ ᐃᓚᐅᒍᓐᓇᑎᑕᐅᒋᐊᖅ ᐱᒻᒪᕆᓐᓄᑦ ᐃᓱᕐᕆᓕᐅᒥᑎᑦᓯᒍᑎᐅᒍᓐᓇᑐᓄᑦ ᐋᓐᓂᐊᓯᐅᕐᑕᐅᔪᐃᑦ ᐃᓅᓯᖏᓐᓂ.
ᑐᓚᑦᑕᕕᒻᒥ, ᐱᔪᕆᐅᑎᖃᓪᓚᕆᑉᐳᒍᑦ ᐃᓕᓐᓂᐊᑎᑦᓯᖃᑎᐅᒍᓐᓇᕆᐊᖅ ᐋᓐᓂᐊᕕᒻᒥ ᐱᓇᓱᐊᕐᑎᒪᕆᐅᒍᓐᓇᕋᔭᕐᑐᓂᒃ. ᐱᓇᓱᒐᕐᒦᑐᓂᒃ ᐃᓕᓐᓂᐊᑎᑦᓯᒍᑏᑦ ᑌᒣᑦᑐᐃᑦ ᐱᕙᓪᓖᓚᕆᑉᐳᑦ ᐃᓕᓐᓂᐊᑎᒥᒃ ᓄᐃᑕᑎᑦᓯᒍᑎᐅᑦᓱᑎᓪᓗ ᓯᕗᓂᕐᒥ ᐱᓇᓱᒐᖃᕈᓐᓇᕋᔭᕐᓂᐅᔪᓂᒃ ᐅᑭᐅᕐᑕᑐᒥ.
ᑖᒃᑯᐊ ᑐᓴᕋᑦᓴᑎᒍᑦ ᓄᐃᑕᐅᖃᑦᑕᑐᐃᑦ ᑲᔪᖏᕐᓭᒍᑎᐅᖁᓇᕐᑐᑦ ᐊᓯᖏᓐᓂ ᐋᓐᓂᐊᓯᐅᕐᑎᐅᒋᐅᕐᓴᑐᓂᒃ, ᐊᓯᖏᓐᓂᓗ ᐋᓐᓂᐊᓯᐅᕆᓂᐅᔪᓂ ᐱᓇᓱᑦᑎᒪᕆᐅᒍᓐᓇᕋᔭᕐᑐᓂᒃ, ᐃᓚᐅᕕᑦᓴᓯᐅᕐᑐᓂᒃ ᑐᑭᓕᑦᓯᐊᑯᑦ ᓱᕐᕃᓂᖃᑦᓯᐊᑐᒃᑯᓗ ᐱᓇᓱᐊᖃᑕᐅᓂᕐᒧᑦ ᓄᓇᕕᒻᒥ.
ᑐᓚᑦᑕᕕᒻᒥ ᐱᓇᓱᐊᕐᓂᖅ ᐃᒫᒃ ᑐᑭᓕᒃ:
ᐃᓕᓐᓂᒃ ᑕᑯᓐᓇᖁᔨᕗᒍᑦ ᑐᓴᕋᑦᓴᓕᐊᖑᒪᔪᓕᒫᒥᒃ ᓄᐃᑕᑎᑕᐅᔪᒥᒃ Noovo-ᑯᑦ ᐃᓕᑦᓯᒋᐊᓪᓚᓂᐊᕋᑦᓯ ᐋᑐᑎᓯᒪᔭᖓᓂᒃ ᑖᒃᑯᐊ ᑕᓪᓕᒣᑦ ᐋᓐᓂᐊᓯᐅᕐᑎᐅᒋᐅᕐᓴᑐᐃᑦ: https://www.noovo.info/nouvelles/sante/article/un-stage-dans-le-nord-du-quebec-ouvre-les-yeux-de-5-etudiants-en-soins-infirmiers/
ᕿᒥᕐᕈᕆᑦ ᐱᕕᑦᓴᐅᔪᓂᒃ ᐅᖓᕙᒥ ᑐᓚᑦᑕᕕᐅᑉ ᐋᓐᓂᐊᕕᖓᓂ ᖃᐅᔨᒋᐊᕐᑐᓗᓯ ᐋᓐᓂᐊᓯᐅᕆᒍᓯᐅᔪᓂᒃ ᐅᑭᐅᕐᑕᑐᒥ: https://tulattavik.zohorecruit.com/jobs/Careers
ᐱᓇᓱᐊᖃᑎᒌᓪᓗᑕ, ᓯᕗᓂᑦᓴᓕᐅᓚᐅᕐᓚᕗᑦ ᐋᓐᓂᐊᓯᐅᕆᓂᒃᑯᑦ ᐱᒍᑦᔨᓂᖅ ᓄᓇᕕᒻᒥ.