ᑐᓚᑦᑕᕕᐅᑉ ᓄᓇᓕᒻᒥ ᐱᒍᑦᔨᐅᑎᓕᕆᔩᖏᑦ ᐃᓄᑐᖃᕐᓂᒃ ᓂᕆᕕᒻᒧᑦ ᓂᕆᒋᐊᕐᑐᑎᑦᓯᖃᒻᒥᓚᐅᕐᑐᑦ.
ᑐᓚᑦᑕᕕᐅᑉ ᓄᓇᓕᒻᒥ ᐱᒍᑦᔨᐅᑎᓕᕆᔩᖏᑦ ᐃᓄᑐᖃᕐᓂᒃ ᓂᕆᕕᒻᒧᑦ ᓂᕆᒋᐊᕐᑐᑎᑦᓯᖃᒻᒥᓚᐅᕐᑐᑦ. ᐊᓃᑫᓐᓇᓂᖅ, ᓂᕆᖃᑎᖃᕐᓂᖅ, ᐅᖄᖃᑎᖃᕐᓂᖅ ᑲᑎᒪᖃᑎᒌᑫᓐᓇᓂᐊᐱᑐᐃᓐᓇᓗ ᖁᕝᕙᑎᕆᒍᑎᐅᒻᒪᕆᒍᓐᓇᖁᑦ ᐃᓅᓯᕐᒥ ᖃᐅᑕᒫᓪᓗ ᐃᓄᓯᐅᔪᒥᒃ ᐊᑦᔨᐅᖏᑦᑑᑎᑦᓯᒍᑎᐅᒍᓐᓇᓱᑎᒃ. ᑕᒪᒃᑯᐊ ᐊᓐᓂᓇᕐᑑᓱᑎᒃ ᐃᓅᓯᕐᒨᓕᖓᔪᑦ ᐊᑑᑎᓕᒻᒪᕆᐊᓗᐃᑦ. ᐃᓅᖃᑎᒌᑦᑎᓯᒍᑎᐅᑦᓱᑎᒃ, ᓄᓇᓕᒻᒧᓗ ᐃᓚᐅᒍᓐᓇᕈᑎᐅᑦᓱᑎᒃ, ᐃᒻᒥᓂᕿᒍᓐᓇᓂᕐᒥᒃ ᑲᔪᓯᑎᑦᓯᒍᑎᐅᑦᓱᑎᒃ ᖃᓄᐃᖕᖏᓯᐊᕈᑎᐅᑦᓱᑎᓪᓗ.
ᓇᑯᕐᒦᒪᕆᐊᓗᒃ ᐱᓇᓱᐊᕐᑎᓕᒫᖏᑦ ᑯᑦᔪᐊᑉ ᓯᓂᑦᑕᕕᖓᑕ ᓂᕆᕕᖓᓂ ᑐᖕᖓᓱᑦᑎᓯᓂᕆᓚᐅᕐᑕᖓᓄ ᑲᒪᒋᔭᖃᑦᓯᐊᓚᐅᕐᓂᖓᓄᓪᓗ ᓂᕆᓂᖃᕐᑎᓗᒋᑦ. ᐃᓄᑦᓯᐊᖑᓂᓯ ᑕᒪᑦᓱᒥᖓ ᐊᓕᐊᓇᕐᑑᑎᑦᓯᒪᕆᓚᐅᕐᑐᑦ ᐃᓗᓐᓀᓄᑦ.
ᐃᓚᐅᓚᐅᕐᑐᓄᑦ ᑌᒣᑦᑐᐃᑦ ᐊᓃᑫᓐᓇᑎᑕᐅᓂᑦ ᓂᕆᒋᐊᕐᑐᓂᑐᐃᓐᓇᐅᖏᓪᓚᑦ ᓂᕆᕕᒻᒧᑦ. ᐱᕕᑦᓴᖃᕐᑎᓯᕗᓪᓕ ᐊᓂᑫᓐᓇᕈᓐᓇᕈᑎᐅᑦᓱᑎᒃ, ᐱᑐᖃᑎᕋᖁᓐᓇᕈᑎᐅᑦᓱᑎᒃ, ᐅᖄᖃᑎᐅᒍᓐᓇᓂᐅᑦᓱᑎᒃ ᐊᓕᐊᖃᑎᖐᓐᓂᐅᓱᑎᓪᓗ ᐱᐅᓯᖃᑦᓯᐊᑐᒥ ᑐᑭᓕᑦᓯᐊᒥᓗ ᐃᓂᐅᔪᒥ.
ᐱᐅᔫᓯᒪᓂᖓ ᐊᑑᑎᔭᐅᓯᒪᔪᑉ ᐊᓃᑫᓐᓇᑎᑕᐅᓂᖃᕐᒥᑎᓪᓗᒋᑦ, ᑌᒣᓘᕆᐊᓪᓚᑎᑦᓯᒍᑎᒋᓚᕿᓚᐅᕐᑕᕗᑦ. ᑖᓐᓇ ᐊᓃᑫᓐᓇᑎᑦᓯᓂᖅ ᓄᐃᑦᓯᒋᐊᓪᓚᓕᓚᐅᕆᕗᖅ ᐊᓕᐊᓇᕐᑐᒥᒃ ᑐᑭᓕᑦᓯᐊᒥᓪᓗ ᑲᓱᖃᑎᒌᓐᓂᒥᒃ.
Marie-Eve Lacroix, ᓱᖃᑦᓯᑎᑦᓯᔨ, Sheila Narrainen-ᓗ, ᐱᓇᓱᐊᕐᑎ, ᑕᒪᕐᒥᒃ ᓄᓇᓕᒻᒥ ᐱᒍᑦᔨᐅᑎᓕᕆᔨᓂᑦ ᐱᓯᒪᔫᒃ ᑕᒪᑦᓱᒥᖓ ᐊᑑᑎᑎᑦᓯᓚᐅᕐᑑᒃ. ᐱᓇᓱᐊᖃᑎᒌᑦᓱᑎᒃ ᓄᐃᑎᕆᓲᒃ ᐱᕕᑦᓴᐅᒍᓐᓇᑐᓂᒃ ᐃᓄᐃᑦ ᑲᑎᒍᓐᓇᖁᑦᓱᒋᑦ, ᐃᓅᖃᑎᒌᒍᓐᓇᖁᑦᓱᒋᑦ ᐃᓚᐅᒍᓐᓇᑎᑦᓱᒋᓪᓗ ᓄᓇᓕᒻᒧᑦ.
ᓇᑯᕐᒦᒃ ᑭᓇᓕᒫᒃᑯᑦ ᐃᑲᔪᓚᐅᕐᑐᐃᑦ ᑖᓐᓇ ᐊᑑᑎᔭᐅᓚᐅᕐᑐᖅ ᐊᓕᐊᓇᕐᑑᑎᑦᓱᒍ.
