ᓄᑖᖅ ᐅᐃᒪᓇᕐᓯᔪᓂᒃ ᐁᑦᓯᕋᕐᑎ ᖃᖓᑦᑕᔪᖅ ᖃᓄᐃᖕᖏᓯᐊᕆᐊᓪᓚᖁᓪᓗᒋᑦ ᐊᑦᑕᓇᖕᖏᑐᒦᖁᓪᓗᒋᓪᓗ ᐅᖓᕙᐅᑉ ᓄᓇᓕᖏᑦ

ᑐᓚᑦᑕᕕᒃ ᐱᔪᕆᐅᑎᖃᕐᐳᖅ ᐊᑐᐃᓐᓇᐅᑎᑦᓯᓚᖓᒋᐊᖅ ᐊᒥᓱᒐᓚᓐᓂᒃ ᓄᑖᓂᒃ ᐱᓇᓱᐊᕈᑎᐅᒍᓐᓇᓂᐊᕐᑐᓂᒃ ᑕᒡᒐᓂ ᐅᐃᒪᓇᕐᓯᔪᓂᒃ ᐁᑦᓯᕋᕐᑎᐅᓂᐊᕐᑐᒥ ᐃᓂᓪᓚᑎᕐᑕᐅᒪᒍᓯᖃᕐᓱᑎᒃ ᐋᓐᓂᐊᓯᐅᕆᑦᓯᐊᕈᑎᐅᒍᓐᓇᓂᕐᓴᓂᒃ ᑲᒪᒍᑎᑦᓯᐊᖑᓂᕐᓴᓂᓪᓗ.

ᐊᑦᑕᓇᖕᖏᓂᕐᓴᒦᑦᑎᓯᓂᖅ ᐱᓇᓱᑦᑎᓂᒃ ᐋᓐᓂᐊᓯᐅᕐᑕᐅᔪᓂᓗ

• ᐊᑭᕋᐅᑎᒃ ᓴᓇᔭᐅᒪᒍᓯᓕ ᖃᖓᑦᑕᔫᒃᑯᑦ ᐅᓯᒍᑎᑦᓴᔭᐅᑦᓱᓂ.
• ᑭᓴᕐᓯᒪᑦᓯᐊᑐᑦ ᓂᒪᔭᕈᓐᓇᕋᑎᒃ ᐋᓐᓂᐊᓯᐅᕆᒍᑏᑦ: ᑲᒪᐅᑎᒃ, ᐃᒻᒥᑑᑎᒃ, ᐊᓂᕐᑎᕆᐅᑎᒃ.
• ᐊᑦᑕᓇᖕᖏᓂᕐᓴᐅᑎᑦᓯᓂᖅ ᖃᖓᑦᑕᔫᒃᑯᕆᐊᖃᓕᕐᐸᑦ ᐱᐊᕋᖅ ᐃᓅᓕᑲᐱᑦᑐᕕᓂᖅ ᐊᓂᕐᑎᕆᐅᑎᒦᒍᓐᓇᓯᓗᓂ.

ᐊᐅᓚᑦᓯᒍᑎᒃ ᐊᑭᕋᐅᑎᓂᒃ

• ᐊᑭᕋᐅᑎᒥᑦᑐᖅ ᐊᐅᓚᒋᐊᑭᓐᓂᓴᐅᓗᓂ ᐅᓯᓕᕐᑐᕕᐅᑉ ᐅᒃᑯᐊᖓᒍᑦ.
• ᐃᑐᑦᑎᕆᐊᑐᖕᖏᑐᖅ ᐱᐊᕋᐅᑉ ᐃᓅᓕᑲᐱᑦᑐᕕᓂᐅᑉ ᐊᓂᕐᑎᕆᐅᑎᖓ ᖃᖓᑦᑕᔫᒧᕆᐊᖃᓯᒍᓂ.

ᐋᓐᓂᐊᓯᐅᕆᒍᑏᑦ ᖃᖓᑦᑕᔫᒨᓕᖓᔪᑦ

• ᐋᓐᓂᐊᓯᐅᕆᒍᑏᑦ ᖃᖓᑦᑕᔫᒨᓕᖓᓚᖓᔪᑦ ᐊᑐᐃᓐᓇᐅᖏᓐᓇᓕᒫᕐᓗᑎᒃ ᐊᑐᕐᑕᐅᒋᐊᖃᓕᕈᑎᒃ.
• ᐃᓂᕆᑦᑐᓯᐊᖑᑦᓱᓂ ᑲᒪᑦᓯᐊᕕᐅᒍᓐᓇᑐᖅ ᖃᖓᑕᓕᕈᓂ.

ᐃᓱᐊᕐᓂᓴᐅᑎᑦᓯᓂᖅ ᐅᐃᒪᓇᕐᓯᔪᓂᒃ ᐊᓐᓂᐊᓯᐅᕆᓂᕐᒥᒃ

ᖃᖓᑦᑕᔫᑉ ᐃᓗᐊ ᐃᓂᓪᓚᑎᕆᐊᓪᓚᔭᐅᒍᓐᓇᑐᖅ

• ᐃᓂᓕᐅᕆᐊᓪᓚᑕᐅᒍᓐᓇᓱᓂ:
  • 2 ᐊᑭᕋᐅᑏᒃ
  • 14 ᐃᑦᓯᕙᐅᑌᑦ ᐃᑭᒪᕕᐅᒍᓐᓇᑐᑦ
  • ᑭᖕᒎᒪᓇᕐᐸᓗ ᐱᖓᓲᒍᓐᓇᑐᑦ ᐊᑭᕋᐅᑏᑦ ᐃᑦᓯᕙᐅᑌᑦ ᐸᒻᒪᑎᑕᐅᑐᐃᓐᓇᑎᓪᓗᒋᑦ
    
• ᐊᑦᔨᒌᖕᖏᑐᑦ ᐊᑐᕐᑕᐅᒍᓐᓇᓕᕋᔭᕐᑐᑦ ᐁᑦᓯᕋᕐᑎᒧᑦ:
  • ᐊᒥᓱᓂᒃ ᐅᐃᒪᓇᕐᓯᔪᓂᒃ ᐁᑦᓯᒍᓐᓇᓯᒐᔭᕐᑐᖅ: ᐋᓐᓂᐊᓯᐅᕐᑕᐅᔭᕆᐊᓖᑦ ᐊᑦᔨᒌᖕᖏᑐᓂᑦ ᓄᓇᓕᓐᓂᑦ ᐁᔭᐅᒍᓐᓇᖃᑦᑕᓗᑎᒃ ᑕᑦᓱᒧᖓᓭᓚᖅ ᖃᖓᑕᔪᒧᑦ.
  • ᐅᐃᒪᓇᕐᓯᓚᕆᓐᓂᕋᕐᑕᖅ ᐊᐅᐸᓚᖓᔪᒥᒃ ᓇᓗᓀᒃᑯᑕᓕᒃ: ᐅᐃᒪᓇᕐᓯᒪᕆᑦᑐᑦ ᓱᑲᑦᑐᒥᒃ ᖃᓪᓗᓈᑦ ᓄᓇᖓᓐᓅᑎᑕᐅᒍᓐᓇᓗᑎᒃ (ᐳᔪᓕᒃ ᐅᐃᒪᓇᕐᑐᓂᒃ ᐁᑦᓯᕋᕐᑎ ᐊᑐᐃᓐᓇᐅᖏᑉᐸᑦ).

ᐃᓱᐊᕐᓂᓴᖅ ᓂᒪᕝᕕᒋᒋᐊᖓ

• ᐊᑦᔨᐅᖏᑦᑐᖅ ᖃᖓᑦᑕᔫᑉ ᐃᓂᓪᓚᑎᕐᓯᒪᓂᖓ ᐱᓇᓱᐊᕐᕕᐅᒍᓐᓇᓯᐊᕐᓂᓴᖅ
• 2 ᐊᑭᕋᐅᑏᒃ ᐱᑐᑦᓯᒪᕕᐅᒍᓐᓇᓯᐊᕐᑑᒃ ᐋᓐᓂᐊᓯᐅᕆᒍᑎᓄᑦ.

ᐱᔭᕆᐊᑭᓐᓂᓴᖅ ᐊᑦᑕᓇᕋᓂᓗ ᐃᑎᕐᕕᒃ ᐊᓂᕕᒃ

• ᐃᑎᕐᕕᐅᒍᓐᓇᑐᖅ ᐊᓂᑦᓯᕕᐅᒍᓐᓇᓱᓂ ᐅᓯᖏᐊᕐᕕᑯᑦ ᐊᐅᓚᔪᒧᑦ ᐊᐅᓚᑕᒥᒃ ᒪᔪᕆᐊᕐᕕᖃᕐᓗᓂ
• ᐃᓱᐊᕐᓂᓴᒃᑯᑦ ᐋᓐᓂᐊᓯᐅᕐᑕᐅᒋᐊᓕᒃ ᓅᑕᐅᒍᓐᓇᑐᖅ ᓄᓇᒃᑯᔫᑉ ᐊᑭᕋᐅᑎᖓᓂᑦ, ᐋᓐᓂᓚᕿᖕᖏᓂᕐᓴᐅᒍᑎᐅᒍᓐᓇᓱᓂ ᐱᓇᓱᐊᕐᑐᓄᓪᓗ ᐱᕐᓂᕐᓗᐊᕿᒍᑕᐅᒌᒃᑯᑎᐅᓂᕐᓴᐅᓱᓂ

ᐃᒻᒥᓂᕿᒍᓐᓇᑐᖅ ᐃᓱᕐᕆᓇᕐᓱᓂᓗ ᒥᑦᓯᒪᓗᓂ

• ᐊᐅᓚᔪᖏᑦ ᐃᖏᕐᕋᖏᒃᑲᓗᐊᕐᐸᑕ ᐃᑯᒪᖃᕈᑎᑕᓕᒃ:
  • ᐃᒻᒥᒎᕐᑐᒥᒃ ᐃᑯᒪᓕᐅᕈᑎᓕᒃ
  • ᖃᖓᑦᑕᔫᑉ ᐃᓗᐊ ᐅᕐᖂᓯᓴᕈᓐᓇᑐᖅ ᒥᑦᓯᒪᓕᕐᓗᓂ ᐅᑕᕐᕿᓂᕐᒥᓂ ᐋᓐᓂᐊᓯᐅᕐᑕᐅᒋᐊᓕᐅᑉ ᐃᑭᓂᕆᓚᖓᔭᖓᓂᒃ.

ᑖᓐᓇ ᓄᑖᒻᒪᕆᐅᑦᓱᓂ ᐊᑦᔨᐅᖏᑦᑐᖅ ᐊᑦᑕᓇᖕᖏᓂᕐᓴᒦᒍᑎᐅᓯᔪᖅ, ᐃᓱᕐᕆᓇᕐᓂᓴᐅᑦᓱᓂ ᐱᑦᓯᐊᓂᕐᓴᐅᑎᑦᓯᓂᐊᓕᕐᓱᓂᓗ ᐋᓐᓂᐊᓯᐅᕐᑕᐅᒋᐊᖃᕐᓂᖓᓂᒃ ᐅᐃᒪᓇᕐᓯᔫᑉ ᐃᓱᐊᕐᓂᓴᐅᓗᓂᓗ ᐋᓐᓂᐊᓯᐅᕐᑎᓄᑦ.