ᓂᕿᑦᓯᕕᒻᒥ, ᐊᒥᕃᔭᐅᑦ 4-ᖑᑎᓪᓗᒍ, ᓛᔨ ᒍᐊᑦ, ᑲᒪᔨᒻᒪᕆ ᐅᖓᕙᒥ ᑐᓚᑦᑕᕕᐅᑉ ᐋᓐᓂᐊᕕᖓᓂ, ᑐᖕᖓᓱᑦᑎᓯᓚᐅᕐᖁᖅ ᐋᓐᓂᐊᓯᐅᕐᑎᒪᕆᒻᒥᒃ Caroline Quach-ᒥᒃ ᑯᐯᓕᒫᒥ ᑲᒪᔨᐅᔪᒥᒃ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᓂᔪᓄᑦ, ᐴᓛᕆᐊᕐᓯᒪᑎᓪᓗᒍ ᑯᑦᔪᐊᒧᑦ.
ᐊᐅᔭᓕᕉᑦ 30-ᒥᑦ ᐊᒥᕃᔭᐅᑦ 4-ᒧᑦ, ᐋᓐᓂᐊᓯᐅᕐᑎᒪᕆᒃ Quach ᐳᓛᕆᐊᓚᐅᕐᑐᖅ ᐳᕕᕐᓂᑐᒧᑦ, ᑲᖏᕐᓱᐊᓗᑦᔪᐊᒧᑦ ᑯᑦᔪᐊᒧᓪᓗ. ᐳᓛᕆᐊᕐᓯᒪᓂᕐᒥᓂ ᑲᑎᓯᒍᓐᓇᓯᓚᐅᕐᑐᖅ ᐃᓄᓐᓂᒃ ᓄᓇᕕᒻᒥᐅᓂᒃ ᑐᑭᓯᓕᐅᒥᑦᓱᓂᓗ ᓵᖕᖓᔭᐅᒋᐊᖃᕐᐸᑐᓂᒃ ᓄᓇᕕᒻᒥ.
ᑕᒪᒃᑯᐊ ᐅᖄᒍᑕᐅᓂᖓᑦ ᓄᐃᑦᓯᒍᑎᐅᓚᐅᒃᑐᖅ ᐱᒻᒪᕆᐅᓂᖓᓂᒃ ᐱᓇᓱᐊᖃᑎᒌᒋᐊᖃᕐᓂᐅᑉ, ᓄᓇᓕᒻᒥᐅᑦ ᑐᓴᕐᑕᐅᒋᐊᖃᕐᓂᖓᓂᒃ ᐃᓕᑕᕐᓯᓂᕐᒥᓗ ᓄᓇᓕᐅᑉ ᖃᐅᔨᒪᒍᓯᖓᓂᒃ. ᑕᒪᒃᑯᑎᒎᓇ ᐅᖄᒍᑎᓂᐅᔪᑎᒍᑦ ᑐᑭᓯᓕᐅᒥᒍᓐᓇᕋᑦᑕ ᓱᓀᑦ ᐱᒻᒪᕆᐅᑎᑕᐅᒻᒪᖔᑕ ᐅᖓᕙᒥᐅᓄᑦ ᐱᒍᑦᔨᒍᑎᓂᓪᓗ ᐊᑐᐃᓐᓇᐅᓕᐅᒥᑎᑦᓯᒍᓐᓇᓱᑎᒃ ᑭᖕᖒᒪᒋᔭᖏᑎᒍᑦ.
ᑐᓚᑦᑕᕕᒻᒧᑦ, ᑲᒪᒋᔭᖃᕐᓂᖅ ᐱᒋᐊᕐᕕᖃᕐᖁᖅ ᑐᓵᓂᕐᒥᒃ, ᖃᓄᐃᓘᖃᑎᖃᕐᓂᒥᒃ ᑐᑭᓯᒪᓂᕐᒥᓗ ᓵᖕᖓᔭᐅᒋᐊᖃᕐᐸᑐᓂᒃ ᑲᒪᒋᔭᐅᔪᓄᑦ, ᐃᓚᒋᔭᖏᓐᓄᑦ ᓄᓇᓕᖓᓄᓪᓗ.
