ᑐᖕᖓᓱᑦᑎᑕᐅᑦᓯᐊᒪᕆᓐᓂᖅ ᑕᓯᐅᔭᒥ

ᐊᓪᓕᕇᕐᑐᓂ, ᕕᕗᐊᕆ 23, ᑐᓚᑦᑕᕕᐅᑉ ᐋᓐᓂᐊᕕᖓᓂᒃ ᑭᒡᒐᑐᕐᓱᑎᒃ ᐳᓛᕆᐊᕐᑐᑦ ᑐᖕᖓᓱᑦᑎᑕᐅᑦᓯᐊᒪᕆᓚᐅᔪᕗᑦ ᑕᓯᐅᔭᐅᑉ ᐋᓐᓂᐊᕕᖓᓂ. ᕿᐅᓐᓇᑐᒻᒪᕆᐅᒐᓗᐊᕐᑎᓗᒍ ᑕᒡᒐᓂ ᐅᓪᓛᖓᓂ ᕕᕗᐊᕆᒥ, ᖁᕕᐊᓇᕐᑑᓚᐅᔪᕗᖅ. ᐹᓴ ᐴᑎ ᑐᓚᑦᑕᕕᐅᑉ ᑲᑎᒪᔨᖓ ᑭᒡᒐᑐᕐᑎ ᑕᓯᐅᔭᒥᒃ, ᐋᓐᓂᐊᕕᖓᑦᑕᓗ ᐱᓇᓱᑦᑎᖏᑦ, ᑐᖕᖓᓱᑦᑎᓯᑦᓯᐊᓚᐅᕐᐳᑦ ᑐᓚᑦᑕᕕᐅᑉ ᑭᒡᒐᑐᕐᑎᖏᓐᓂᒃ.

ᐳᓛᕆᐊᕐᓂᖅ ᐱᒋᐊᕈᑎᖃᓚᐅᔪᖅ ᐃᓪᓗᖁᑎᑦᑎᓂᒃ ᕿᒥᕐᕈᑎᑕᐅᓂᕐᒥᒃ ᐋᓐᓂᐊᓯᐅᑏᑦ ᐊᖓᔪᕐᖃᖏᑦᑕ ᐃᑲᔪᕐᑎᖓᓄᑦ. ᑕᑯᑦᓴᐅᑎᑦᓯᓚᐅᔪᖅ ᐱᒍᑦᔨᒍᑎᐅᓲᓂᒃ ᖃᐅᔨᔭᐅᑎᑦᓯᓱᓂᓗ ᐅᓪᓗᒥᐅᔪᖅ ᓄᓇᓕᐅᕐ ᑭᖕᖑᒪᒋᔭᖏᓐᓂᒃ. ᑐᑭᓯᓇᕐᑎᓯᓚᐅᔪᒻᒥᔪᖅ ᐋᓐᓂᐊᕕᐅᑉ ᐱᓇᓱᑦᑎᖏᑦᑕ ᑕᑯᓐᓇᕋᓱᐊᕐᓂᖓᓂᒃ ᐃᑲᔪᕐᓯᒪᒍᒪᓂᕐᒧᑦ ᖃᐅᑕᒫᑦ ᐱᓇᓱᑦᑎᓂᒃ ᑲᒪᒋᔭᐅᔭᕐᑐᐸᑦᑐᓂᓪᓗ.

ᑐᓚᑦᑕᕕᐅᑉ ᑭᒡᒐᑐᕐᑎᖏᑦ ᐅᐃᒫᖕᖏᓱᑎᒃ ᐅᖄᖃᑎᖃᕈᓐᓇᓚᐅᔪᑦ ᐱᓇᓱᑦᑎᓂᒃ. ᐅᖄᖃᑎᒌᓐᓂᑯᑦ ᑐᑭᓯᓕᐅᒥᓇᓚᐅᔪᖅ ᓄᓇᓕᐅᑉ ᐊᑑᑎᔭᖏᓐᓂᒃ ᐊᑦᔨᐅᖏᑦᑐᒍᑎᒋᔭᖏᓐᓂᒃ ᐋᓐᓂᐊᓂᓕᕆᓂᐅᑉ ᐃᓄᓕᕆᓂᐅᓪᓗ ᑕᓯᐅᔭᒥ.

ᐊᑦᑐᑕᐅᕖᖓᓂᕐᑕᖃᓚᐅᔪᒻᒥᔪᖅ ᑕᒡᒐᓂ ᐅᓪᓗᒥ. ᐃᓅᓱᑦᑐᖅ ᐋᓐᓂᐊᓯᐅᕐᑕᐅᕙᑦᑐᖅ ᐅᑲᐅᑦᔨᓚᐅᔪᒻᒪ ᐳᓛᕆᐊᕐᓯᒪᔪᓂᒃ ᐋᓐᓂᐊᒥᓂᒃ ᑲᒡᒍᑎᒥᒃ ᓄᖑᑦᓯᒪᓂᕃᓕᕐᓱᓂ ᑲᒪᒋᔭᐅᓂᕆᕙᑦᑕᑯᑦ. ᑕᒪᓐᓇ ᑐᓴᕋᑦᓴᓯᐊᒻᒪᕆᒃ ᐃᑉᐱᓂᐊᕐᑎᓯᓚᕿᒻᒪᕆᓚᐅᔪᖅ ᑕᑦᓱᒥᖓᓗ ᐊᕐᓇᒥᒃ ᓴᐱᓕᕐᓯᕇᑦᑐᓯᒪᔪᒥᒃ ᓴᐳᑦᔨᓯᒪᒍᒪᓂᕐᒥᒃ ᓄᐃᑦᓯᓂᖃᕐᓱᓂ.

ᕿᑎᕋᓕᕐᒥ ᓂᕆᓐᓇᐅᑎᓪᓗᒍ, ᑲᒪᔨᒻᒪᕆ ᓛᔨ ᒍᐊᑦ ᑐᓴᐅᑎᒃᑯᓚᐅᔪᖅ. ᐅᓂᒃᑳᓱᓂᓗ ᐱᒻᒪᕆᑦᑕᖏᓐᓂᒃ ᐅᖄᔭᐅᔪᕕᓃᑦ ᑭᖑᓪᓕᐹᒥ ᑲᑎᒪᔩᑦ ᑲᑎᒪᓂᖃᕐᑎᓗᒋᑦ. ᐊᒥᓱᒐᓓᑦ ᐅᖄᓚᖃᑦᑕᓚᐅᔪᑦ. ᑐᓂᒪᑦᓯᐊᓂᕐᒥᒍᑦ, ᓛᔨ ᒍᐊᑦ ᓈᓚᐅᒐᑦᓯᐊᓚᐅᔪᖅ ᑭᐅᖃᑦᑕᓯᐊᕐᓱᓂᓗ ᐊᐱᕆᐅᑎᐅᔪᓂᒃ ᐃᓱᒫᓗᑎᐅᔪᓂᓪᓗ ᑕᓯᐅᔭᕐᒥᐅᓄᑦ.

ᕿᑎᕋᓕᕇᒥ, ᑕᓯᐅᔭᐅᑉ ᓯᕗᓕᕐᑎᑖᕐᖃᒥᖓ ᑲᒪᔨᒻᒪᕆᖓᓗ ᑲᑎᔭᐅᓕᓚᐅᔪᒻᒥᔫᒃ. ᐅᖃᐅᓯᐅᓚᐅᔪᑦ ᑲᑎᒪᓂᕐᒥ ᓇᕝᕚᕋᓱᐊᕈᒪᓂᖅ ᓵᖕᖓᓯᒍᑕᐅᑦᓯᐊᕋᔭᕐᑐᓂᒃ ᐃᓂᑭᑦᓱᓕᕐᓂᖓᓂᒃ ᐱᒍᑦᔨᐅᑎᐅᔪᑦ ᐋᓐᓂᐊᕕᒻᒥ.

ᑲᑎᒪᔨᓄᑦ ᐊᐅᓚᑦᓯᔨᐅᔪᓄᓪᓗ, ᑖᒃᑯᐊ ᐳᓛᕆᐊᕐᓃᑦ ᐅᖓᕙᐅᑉ ᓄᓇᓕᖏᓐᓄᑦ ᐱᒻᒪᕆᐊᓘᕗᑦ. ᖃᓂᑕᙯᓐᓇᕈᑎᒋᒐᑦᑎᒋᑦ ᓄᓇᓕᓐᓂᒃ, ᐃᑲᔪᕐᓯᒪᒍᑎᒋᑦᓱᒋᑦ ᐱᓇᓱᐊᕐᑎᓂᒃ ᓵᖕᖓᓯᒍᑎᒋᓕᐅᒥᒍᓐᓇᓱᒋᓪᓗ ᑭᖕᖑᒪᒋᔭᖏᓐᓂᒃ ᑲᒪᒋᕙᑦᑕᑕ ᓄᓇᓕᒻᒥᐅᓗ.

ᑖᓐᓇ ᐅᓪᓗ ᓄᐃᑕᓂᖃᓚᐅᕐᑐᖅ ᓈᓚᓐᓂᒥᒃ, ᐱᓇᓱᐊᖃᑎᒌᓐᓂᒥᒃ ᓂᕆᐅᓐᓂᖃᑦᓯᐊᓂᕐᒥᓗ.

ᑲᑎᒪᔨᓂ ᑭᒡᒐᑐᕐᑏᑦ, ᐱᓇᓱᐊᕐᕕᓂ ᑲᒪᔩᑦ ᐊᒥᓱᒐᓓᓪᓗ ᐊᐅᓚᑦᓯᔩᑦ ᐃᓚᐅᓚᐅᕐᑐᑦ ᐳᓛᕆᐊᕐᑐᓄᑦ:

• ᓲᓕ ᒎᐁᑦ-ᑐᐳᐃ, ᑐᓚᑦᑕᕕᐅᕐ ᑲᑎᒪᔨᖏᓐᓂ ᐊᖓᔪᕐᖄᖅ
• ᐸᑐᔩᒃ ᑕᓰ, ᑲᑎᒪᔨᓂ ᐳᕐᑐᓂᕐᓴᓂ ᐊᓪᓚᑎ ᑭᒡᒐᑐᕐᑎᐅᓱᓂᓗ ᐱᓇᓱᑦᑎᓂᒃ
• ᐹᓴ ᐴᑎ, ᑲᑎᒪᔨᓂ ᑕᓯᐅᔭᐅᑉ ᑭᒡᒐᑐᕐᑎᖓ
• ᓛᔨ ᒍᐊᑦ, ᑲᒪᔨᒻᒪᕆ
• ᔮᓐ-ᐃᑦᓯᐊᓐ ᐱᔨ, ᑲᒪᔨᒻᒪᕆᐅᑉ ᐃᑲᔪᕐᑎᖓ
• ᓈᑕᓕ ᐳᓛᓐᔩ, ᑲᒪᔨ ᐱᔪᓐᓇᐅᑎᖃᕐᓱᑎᒃ ᐱᓇᓱᐊᕐᑎᐅᔪᑦ ᐱᒍᑦᔨᓂᖓᓂ
• ᑲᕈᓪ ᓯᒫᑦ, ᑲᒪᔨ ᐃᓅᓱᑦᑐ ᓴᐳᒻᒥᔨᖏᓐᓂ
• ᔨᕉᒻ ᓚᕕᕆᐊ, ᐱᓪᓗᑯᒋᐊᓕᑦᑎᒍᑦ ᐱᓇᓱᐊᕐᑕᐅᒋᐊᖃᓲᑦ ᑲᒪᔨᖓᑕ ᐃᑲᔪᕐᑎᖓ
• ᒥᐊᓚᓂ ᓚᐹᔅ, ᐊᓐᓂᐊᓯᐅᕐᑏᑦ ᐊᓐᓂᐊᕕᒻᒦᑐᓂᓪᓗ ᑲᒪᒋᔭᖃᕐᓂᒧᑦ ᑲᒪᔨᐅᑉ ᐃᑲᔪᕐᑎᖓ
• ᐱᐊ ᑯᑎᕈ, ᐃᓚᒌᑦ, ᐱᐊᕃᑦ ᐃᓅᓱᑦᑐᐃᓗ ᐱᓇᓱᐊᕐᑕᐅᒍᑎᖏᓐᓂᒃ ᓯᕗᓕᕐᑐᖅ
• ᑯᕆᔅᑎᕗ ᐳᕋᑦᐱᐊᓐᑦ, ᓴᓗᒻᒪᓭᔨᓂᒃ ᑐᑭᒧᐊᑦᑎᓯᔨ
• ᓴᓐᑖᓪ ᑐᓰ, ᓇᔪᒐᐅᔪᓂᒃ ᐃᒫᙰᕐᑎ
• ᓈᑕᓕ ᐳᐊᕆ, ᐳᕐᑐᓂᕐᓴᖅ ᑐᓴᕐᑎᓯᒍᑎᑦᓴᓕᕆᔨ
• ᑮᓚ ᐋᓇᓇᒃ-ᓘᓱ, ᐃᓕᕐᕈᓯᕐᑎᒍᑦ ᐊᑦᑕᓇᕐᑐᒦᒋᐊᖃᕐᖏᓂᕐᒥᒃ ᐃᒫᙰᕐᑎ