ᑐᓚᑦᑕᕕᒃ ᐊᓕᐊᓲᑎᖃᓚᐅᕐᐳᖅ ᑐᖕᖓᓱᑦᑎᓯᒋᐊᖅ ᐱᓇᓱᐊᖃᑎᒋᓲᒥᓂᒃ ᒪᑭᕝᕕᑯᓐᓂᒃ, ᐃᓄᐃᑦ ᖃᖓᑦᑕᔪᖏᓐᓂᒃ CIBC-ᓗ ᑮᓇᔭᒃᑯᕕᖓᓂᒃ, ᔭᓄᐊᕆ 29-ᖑᑎᓪᓗᒍ ᕿᒥᕐᕈᕆᐊᕐᑐᑎᓪᓗᒋᑦ ᓄᓇᓕᒻᒥᐅᑦ ᐋᓐᓂᐊᓯᐅᕐᑕᐅᕕᖓᓂᒃ, ᐋᓐᓂᐊᕕᒻᒥᒃ ᐃᓂᓪᓚᕕᒻᒥᓗ ᑐᔪᕐᒥᐅᕕᒻᒥᒃ.
ᐊᑦᔨᖑᐊᒦᑦᑐᑦ ᓴᐅᒥᐊᓂᑦ ᑕᓕᕐᐱᒧᑦ:
ᑖᓂ ᓚᕓᕝ, ᐋᓐᓂᐊᓯᐅᕐᑏᑦ ᐊᖓᔪᕐᖃᖓᑦ ᓄᓇᓕᒻᒥᐅᓂᒃ ᐋᓐᓂᐊᓯᐅᕆᕕᒻᒥ, ᒫᒃ ᕿᕋᓐ, ᖃᐅᔨᒪᔭᐅᑎᑦᓯᒐᓱᐊᕐᓂᒧᑦ ᐊᖓᔪᕐᖄᑉ ᑐᖓᓕᖓ CIBC-ᑯᑦ ᑮᓇᐅᔭᒃᑯᕕᖏᓐᓂ, ᒫᓂᑲ ᓱᕐᕕᑎᐅ, ᐊᐅᓚᑦᓯᔨᒻᒪᕆᒃ CIBC-ᒥ, ᐋᓐᔨᓘ ᒥᐊᓐᓇᑕ, ᒪᑭᕝᕕᒥ ᑮᓇᐅᔭᓕᕆᔨᒻᒪᕆᒃ, ᔭᓂᒃ ᐊᒥᐅᒃ, ᑮᓇᐅᔭᓕᕆᔨᓂ ᐊᖓᔪᕐᖄᑉ ᑐᖓᓕᐊ ᑮᓇᐅᔭᓕᕆᔨᒻᒪᕆᐅᑦᓱᓂᓗ, ᐃᓄᐃᑦ ᖃᖓᑦᑕᔫᖏᓐᓂ, ᐹᓪ ᓴᒍᐊᔭ, ᐊᖓᔪᕐᖄᑉ ᑐᖓᓕᖓ ᓄᓇᖁᑎᒋᔭᐅᔪᒥᓪᓗ ᐊᖓᔪᕐᖃᐅᓱᓂ CIBC-ᑯᓂ, ᓛᔨ ᒍᐊᑦᓗ, ᑐᓚᑦᑕᕕᐅᑉ ᑲᒪᔨᒻᒪᕆᖓ.
ᓇᑯᕐᒦᒃ ᐱᓇᓱᐊᖃᑎᒋᓲᕗᑦ ᖃᐅᔨᒪᒍᒪᑦᓯᐊᓂᕆᔭᖓ ᐋᓐᓂᐊᓂᓕᕆᓂᕐᒥᒃ ᐃᓄᓕᕆᓂᕐᒥᓗ ᑐᓚᑦᑕᕕᐅᑉ ᐱᓇᓱᐊᕐᑕᖏᓐᓂᒃ ᓄᓇᕕᒻᒥ.
ᓇᑯᕐᒦᑦ ᑖᓂ ᓚᕓᕝ ᐋᓐᓂᐊᓯᐅᕐᑏᑦ ᐊᖓᔪᕐᖃᖓᑦ ᔨᓂ ᑕᕐᕿᐊᐱᓪᓗ, ᐃᓂᓪᓚᕕᐅᑉ ᑐᔪᕐᒥᐅᕕᐅᑉ ᐊᖓᔪᕐᖄᖓ, ᑐᑭᓯᒪᑎᑦᓯᔨᐅᓚᐅᕐᒪᓂᒃ ᐳᓛᕆᐊᕐᓯᔪᖃᕐᑎᓗᒍ.
