ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᑐᓚᑦᑕᕕᓪᓗ ᐋᓐᓂᐊᕕᒃ ᐅᐱᒍᓱᑉᐳᑦ ᐃᓕᑕᕆᔭᖃᕐᓱᑎᒃ ᐋᓐᓂᐊᓯᐅᕐᑎᒪᕆᒻᒥᒃ Dr. Nathalie Boulanger, ᐁᑦᑐᑕᐅᓯᒪᓂᖓᓄᑦ 2026 Prix Profession Santé Award ᐃᓄᓕᕆᓂᕐᒥᒃ ᑐᓂᒪᒍᑎᖃᕐᓯᒪᓂᕐᒧᑦ.
ᐃᓕᑕᕆᔭᐅᓂᖓ ᐋᓐᓂᐊᓯᐅᕐᑎᒪᕆᐅᑉ Dr. Nathalie Boulanger, ᓄᐃᑦᓯᒍᑎᐅᕗᖅ ᐱᓇᓱᖃᑎᖃᕐᓯᒪᓂᖓᓂᒃ ᓄᓇᕕᒻᒥ ᓄᓇᓕᓐᓃᑐᓂᒃ ᑲᖐᓱᑦᑎᓯᒋᐊᕈᑎᐅᖃᑕᐅᑦᓱᓂᓗ ᖃᓄᐃᑦᑐᓚᕆᐅᓂᖓᓂᒃ ᐋᓐᓂᐊᓯᐅᕐᓂᓕᕆᓂᐅᑉ ᓄᓇᕕᒻᒥ.
1991-ᒥᓂᑦ ᐱᓇᓱᑦᑎᐅᓯᒪᔪᖅ ᐋᓐᓂᐊᓯᐅᕐᑎᒪᕆ Dr. Boulanger ᐱᓇᓱᓕᓂᐅᓕᕐᖁᖅ ᐱᒍᑦᔨᕕᓐᓂ ᖃᐅᔨᒪᔪᖁᑎᒋᔭᐅᑦᓱᓂ ᓄᓇᕕᒻᒥ ᓄᓇᓕᓐᓂ. ᑐᓚᑦᑕᕕᒻᒥ ᐱᓇᓱᐊᕐᓱᓂ, ᓯᕗᓕᕐᓂᒦᑦᓯᒪᔪᖅ ᐊᑦᔨᒌᖕᖏᑐᓂ ᖃᓄᐃᖕᖏᓯᐊᕐᓂᒥᒃ ᐱᓇᓱᖃᑎᒌᕝᕕᓂ, ᑕᒐᑕᒐ ᑐᑭᒧᐊᑦᑎᓯᔨ ᐋᓐᓂᐊᓯᐅᕐᑎᒪᕆᓐᓂᒃ ᑐᓚᑦᑕᕕᒻᒥ, ᐱᓇᓱᐊᖃᑕᐅᑦᓱᓂ ᐱᒍᑦᔨᓯᐊᕈᑎᑦᓴᓂᒃ ᑲᔪᓯᑎᑕᐅᓂᕆᒋᐊᓕᖏᓐᓂᓗ ᑲᒪᒋᔭᐅᓃᑦ ᑐᓂᒪᒍᑎᒋᑦᓱᒋᑦ, ᑲᒪᒍᑎᒋᑦᓱᒋᑦ ᐱᓇᓱᑦᑎᐅᒍᑎᒋᑦᓱᒋᓪᓗ.
ᐋᓐᓂᐊᓯᐅᕐᑎᒪᕆᐅᒐᓗᐊᕐᓱᓂ ᐋᓐᓂᐊᓯᐅᕐᑎᒪᕆ Dr. Boulanger ᑐᓂᒪᒍᑎᖃᓲᒍᕗᖅ ᐃᓄᓕᕆᓂᕐᒥᒃ, ᓂᐸᖃᕐᑎᓯᔨᐅᑦᓱᓂ ᐱᒍᓐᓇᐅᑎᖏᓐᓂᒃ ᑭᖕᖒᒪᒋᔭᖏᓐᓂᓗ ᓄᓇᕕᒻᒥᐅᑦ, ᓂᑦᔮᕈᑎᖃᓲᒍᑦᓱᓂᓗ ᓈᒻᒪᖁᐊᕇᑦᑎᑕᐅᒋᐊᖃᕐᓂᒥᒃ ᐃᓅᓯᐅᓪᓗ ᑐᑭᑖᕐᑕᐅᓯᐊᕆᐊᖃᕐᓂᖓᓂᒃ
ᐅᐱᒍᓲᑎᑖᕆᔭᐅᓲᑦ Prix Profession Santé Awards
ᐅᐱᒍᓲᑎᑖᕆᔭᐅᓲᑦ Prix Profession Santé Awards, ᐃᓕᑕᕆᔭᐅᑦᓱᓂ Profession Santé-ᑯᓐᓄᑦ, ᐃᓕᑕᕐᓯᒍᑎᐅᕗᖅ ᖃᓄᐃᖕᖏᓯᐊᕐᓂᓕᕆᕕᓐᓂ ᐱᓇᓱᑦᑎᓂᒃ ᐱᒍᑦᔨᓯᐊᕐᓯᒪᔪᓂᒃ, ᑲᑐᑦᔨᖃᑎᒋᔭᐅᓂᒃᑯᑦ, ᓄᑖᓂᒃ ᐱᒋᐊᕐᑎᓯᖃᑦᑕᓂᒃᑯᑦ, ᖃᐅᔨᒪᔭᒥᓂᒃ ᑐᓴᕐᑕᐅᑎᑦᓯᖃᑦᑕᓂᒃᑯᑦ ᐃᓄᓕᕆᓂᕐᒥᓗ ᑐᓂᒪᒍᑎᖃᕐᓯᒪᓂᕐᒧᑦ. ᖃᐅᔨᒪᔭᒥᓂᑦ ᑐᓴᐅᒪᑎᑦᓯᓯᐊᓲᒍᓂᕐᒧᑦ, ᐃᓄᓕᕆᓂᕐᒥᒃ ᑐᓂᒪᒍᑎᖃᕐᓂᒧᑦ, ᐊᒻᒪᓗ ᐱᓇᓱᖃᑎᒌᑦᑐᑎᒍᑦ ᐱᓇᓱᖃᑕᐅᑦᓯᐊᕈᓐᓇᓂᕐᒧᑦ. 2026-ᒥ, 13 ᐅᐱᒍᓲᓯᕐᑕᐅᔪᕕᓃᑦ ᐊᑦᔨᒌᖕᖏᑐᓂᒃ ᐃᓕᑕᕆᔭᐅᒍᑎᑖᕐᓱᑎᒃ.
ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᑐᓚᑦᑕᕕᓪᓗ ᐋᓐᓂᐊᕕᒃ ᐅᐱᒍᓱᑉᐳᑦ ᐋᓐᓂᐊᓯᐅᕐᑎᒪᕆᒻᒥᒃ ᐃᓕᑕᕆᔭᐅᓂᖓᓄᑦ ᓇᑯᕐᒦᓱᑎᓪᓗ ᐋᓐᓂᐊᓯᐅᕐᑎᒪᕆᓕᒫᓂᒃ ᖃᓄᐃᖕᖏᓯᐊᕐᓂᓕᕆᔨᓕᒫᓂᓪᓗ ᐅᓪᓗᑕᒫᑦ ᐱᓇᓱᐊᕐᐸᑐᓂᒃ ᓄᓇᕕᒻᒥᐅᓂᒃ ᑲᒪᑦᓱᑎᒃ.
ᐋᓐᓂᐊᕕᒻᒥ ᐱᔭᑦᓴᖃᕈᑏᑦ ᓄᓇᕕᒻᒥ
ᓄᓇᕕᒻᒥ ᐋᓐᓂᐊᓯᐅᕐᑎᒪᕆᐅᑦᓱᓂ ᐱᒐᓱᐊᒻᒪᕆᓐᓇᑑᓲᖅ ᐊᑑᑎᔭᐅᓪᓚᕆᑦᑑᓃᑦᑐᖃᕐᓱᓂᓗ. ᐋᓐᓂᐊᓯᐅᕐᑎᒪᕇᑦ ᐱᓇᓱᖃᑎᖃᕆᐊᖃᓲᑦ ᓄᓇᓕᓐᓃᑐᓂᒃ ᖃᓂᑕᕇᖕᖏᑐᓂᒃ, ᑲᑐᑦᔨᖃᑎᖃᕆᐊᖃᕐᓱᑎᒃ ᓄᓇᓕᒻᒥ ᐱᓇᓱᑦᑎᓂᒃ ᐊᑦᔨᒌᖕᖏᑐᓂᓪᓗ ᐱᓇᓱᕝᕕᓕᓐᓂᒃ. ᐱᒍᑦᔨᓯᐊᕋᓱᐊᓲᒍᑦᓱᑎᒃ ᓄᓇᕕᒻᒥᐅᑦ ᑭᖕᖒᒪᒋᔭᖏᓐᓂᒃ.
ᓄᓇᕕᒻᒥ ᐃᓗᓯᓕᕆᓂᕐᒧᑦ
ᑲᑎᒪᔩᑦ ᑎᒥᖕᖑᑐᕕᓂᖅ
1978ᖑᑎᓪᓗᒍ ᔦᒻᔅ
ᐯ ᐊᒻᒪᓗ
ᑯᐯᒃ ᑕᕐᕋᖓᓂ
ᐊᖏᖃᑎᒌᒍᑎᖓᑎᒍᑦ. ᑲᒪᒋᔭᑦᓴᔭᓕᒃ
ᐃᓗᓯᓕᕆᓂᕐᒧᑦᓕᖓᔪᓂᑦ ᐱᒍᑦᔨᒍᑎᓂᑦ
ᐃᓄᖁᑎᒥᓄᑦ 14ᓂᑦ
ᓄᓇᓕᓐᓃᑐᓂᑦ ᓄᓇᖁᑎᖓᓂ
ᑯᐯᒃ 55 ᐃᑰᑕᖓᑕ
ᑕᕐᕋᖓᓂᑦᑐᓂᑦ.
ᑐᓚᑦᑕᕕᒃ ᐋᓐᓂᐊᕕᒃ
ᐊᑦᑕᓀᑦᑐᓯᐊᒍᑦᓱᓂ, ᐊᑐᐃᓐᓇᕆᔭᐅᑦᓯᐊᓱᓂ, ᐱᒍᑦᔨᕕᑦᓯᐊᒍᕗᖅ ᐃᓗᓯᓕᕆᓂᕐᒥᒃ
ᐃᓄᓕᕆᓂᕐᒥᓗ ᐱᒍᑦᔨᓱᓂ
ᓯᑕᒪᐅᔪᖕᖏᒐᕐᑐᓂᒃ ᓄᓇᓕᓐᓂᒃ
ᐅᖓᕙᐅᑉ ᓯᑦᔭᖓᓃᑦᑐᓂᒃ, ᐃᕕᕐᑎᓯᕕᓐᓂᓗ ᓄᓇᕕᒻᒥ
ᐃᓄᐃᑦ ᓄᓇᓕᖏᓐᓂ
ᐊᕙᑎᓪᓗ ᓯᑕᒪᓪᓗᓂ
ᐱᒍᑦᔨᔪᓂᒃ. ᐃᓗᓯᓕᕆᓂᕐᒥᒃ
ᐃᓄᓕᕆᓂᕐᒥᓗ ᐱᒍᑦᔨᐅᑎᑎᒍᑦ
ᐱᓇᓱᒍᑏᑦ ᐃᓄᓐᓄᑦ
ᑭᖕᖒᒪᒋᔭᐅᔪᑎᒍᑦ ᐱᒍᑦᔨᐅᑎᐅᓲᑦ
ᓄᓇᕕᒻᒥᓗ ᐊᑑᑎᔭᐅᓪᓚᕆᑦᑐᑎᒍᑦ, ᒪᓕᑦᓱᒍ ᔦᒥᓯ
ᐯᒥ ᑯᐯᒃᓗ
ᑕᕐᕋᖓᓂ ᐊᖏᖃᑎᒌᒍᑎ
(JBNQA) ᐱᖁᔭᕐᓗ ᐱᑦᔪᑎᓕᒃ
ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ
ᐱᒍᑦᔨᐅᑎᓕᕆᓂᕐᓂᒃ.